"आकाश"
आकाश गगन हो, दुर छ
आकाश आसमान हो, बिशाल छ
आकाश नभ हो, बादलभित्र छ
आकाश बायु हो, स्वच्छ छ।
-------------१ -----------------------
आकाशमा नौगेडीजस्तै उज्याला जूनहरु छन्
आकाशमा मणिजस्तै टल्किने ताराहरु छन्
आकाशबाटै मोति झैँ पानीका थोपाहरु बर्षनछन
आकाशबाटै बरफ झैँ असिनाका डल्लाहरू झर्छन।
---------------------------२ ---------------------------------
घाम अस्ताउदा आकाशको दिन अस्ताउछ
घाम उदाउदा आकाशले दिन निम्त्याउछ
झरी पर्दा आकाश आफै निथ्रुक्क रुझ्ने गर्छ
खडेरी पर्दा आकाश रापले पोखिने गर्छ।
--------------------३ --------------------------
तैपनि,
आकाश हर अस्ताएको रातसँग
जून र तारा बनेर चम्किरहेछ
आकाश हर उदाएको दिनसंग
बिहानी र प्रभाती भएर चम्किरहेछ
आकाश हर बर्षिएको शरीरसँग
इन्द्रेणी र इन्द्रधनुष बनेर रंगिरहेछ
आकाश हर चर्किएको खडेरीसंग
घाम र रापसंगै हासिइरहेछ
आकाश हर कठ्यांग्रीएको शीतसंग
हुस्सु र कुहिरोसंगे खेलिइरहेछ।
----------------४ ------------------------
त्यसैले,
आकाश हर परिबेशमा आफूलाई अनुकुल बनाउने गर्छ
आकाश हर परिस्थितिमा आफूलाई ग्रहण गर्न सक्छ
बरु हामी पनि आकाश जस्तै ,
परिस्थिति जस्तै आफूलाई परिबर्तन गर्न सकौ
हैसियत अनुसार आफूलाई समायोजन गर्न सकौ
-----------------५ -----------------------------------
(समाप्त )
No comments:
Post a Comment