"तीजैको बेलैमा "
घुमेर आयो तीजको चाड शिवको महिमा !
गाएर गीत, दिदी र बहिनी बढाउछौ गरिमा !!
माइतीको घर, माइतीको पिढी माइतीकै आगन !
गोरी र काली, साईली र माईली साथी र सगीन !!
-----------------१ ------------------------------------
दिदी र बहिनी मिलेर संगै माईतीघर जाऊला !
नाच्दै र गाउदै पकाई मीठा दर नै खाउला !!
कौसीमा बस्दै बाबा र आमा छोरीलाई कुर्दैछन !
दाजु र भाई भनेर तीज लिनलाई आएछन !!
------------------२ ----------------------------------
बसेर ब्रत महादेव पूजा मिलेर गरौला !
पार्वतीजस्तै रुपको धारी शरण परौला !!
बसेर ब्रत स्वामीको आयु शतक बनाऊ !
शिवको लिङ्ग पुजन गरी फूलपाती चढाऊ !!
--------------३ --------------------------------
किनिदेऊ बुढा रातोमा सारी धागोमा त्यो चुरा !
किनिदेऊ स्वामी टिका र पोते सोह्र र शृंगार !!
मरेर तर संसार भर लानु पो के छ र !
दुई दिने चोला भोलि के होला खानु पो के छ र !!
-----------------४ -------------------------------
दु:ख र पीडा बिसाई एकदिन कम्मर भाचौला !
तीजको पर्ब रमाईलो गर्दै हासेर बाँचौला !!
आउलानी सधै यस्तै र तीज, भोगौला राम्रा दिन !
जाऊला माईत, खाऊला दर रमाउला राम्रा छिन !!
----------------------५ -----------------------------------
(समाप्त )
No comments:
Post a Comment