शिशा सरी मेरो जीवन चर्किएर फुटिगयो........।
शिशा सरी मेरो जीवन चर्किएर फुटिगयो !
शीत सरी मेरो भाग्य घामसंगै सुकिगयो !!
सल्बलाउने ओठ साटो अबरुद्द गला भयो !
बसन्तको पालुवा त सुनामीको छाल भयो !!
सिसासरी मेरो जीवन चर्किएर फुटिगयो !
शीत सरी मेरो भाग्य घामसंगै सुकिगयो !!
----------१ ---------------------------------
तेल पनि थप्दै थिए रातभरी दियालोको !
बतासले निभाइदियो अन्धकार रात छायो !!
पूर्णिमाको जुनेली नि मेरो लागि रात भयो !
सपना सजाई फुल्ने फूल खालि अब पात भयो !!
शिशा सरी मेरो जीवन चर्किएर फुटिगयो !
शीत सरी मेरो भाग्य घामसंगै सुकिगयो !!
-------------२ ----------------------------------
धर्ती रोयो, आकाश रोयो , बतास पनि रोयो !
मेरो मनको विरहमा आँसु आफै रोयो !!
मेरो दिलको बसंतीमा कोइली कति रोयो !
कुहु कुहु भाका संगै आफैसंग रोयो !!
शिशा सरी मेरो जीवन चर्किएर फुटिगयो !
शीत सरी मेरो भाग्य घामसंगै सुकिगयो !!
--------------( समाप्त ).........................।
श्रष्टा : डा. दीपक यात्री
प्रमुख सूचना प्राबिधिक , नेपाल क्यान्सर हस्पिटल एण्ड रिसर्च सेन्टर
हरिसिद्धि ललितपुर
स्थायी : लेखनाथ -२७ , कास्की
रचना मिति : २०५२ साल, कार्तिक २४ गते