बर-पीपलको छहारी मुनी !
डाडाकाडा काटेका बटुवा ती !
भारीले थिचिएका भरिया ती !!
थकान मेटी पसिना पुछी !
बर-पीपलको छहारी मुनी !!
--------------------१ ------------------
चराको चिर्चिरे चिर्चिरे स्वर !
हावाको सिर्सिरे सिर्सिरे बहाव !!
छेवैमा हरित चरन सानी !
बर-पीपलको छहारी मुनी !!
------------२ --------------------------
शैशब काल गरी गौचरण !
देखभाल गर्दै भैसीको बथान !!
बस्ने चौतारी बतासे मुनी !
बर-पीपलको छहारी मुनी !!
---------३ ---------------------
गाईको घन्टी आबाज सुन्दै !
बाघगोट्टी गोठाला खेल खेल्दै !!
बस्ने चौतारी बतासे मुनी !
बर-पीपलको छहारी मुनी !!
-----४ -------------------------
डँडिबियो र पानीलौरी खेल्दै !
साधेको गुन्द्रुक बाड्दै र खादै !!
मकै र भट्टका स्वाद अलग्गी !
बर-पीपलको छहारी मुनी !!
------ ५-------------------------
----------(समाप्त )--------------
