नौलाख तारा उदाईगए नि ! अम्बर छौ अमर
भारती मुलका सैनिक घरका,जन्मे प्रतिभा एक !
काटी सतगजा फड्केर सिमाना बिराज नेपालमा !!
बस्यौ नेपाली मनमस्तिष्कमाझ ,संगीतका साधक !
नौलाख तारा उदाईगए नि ! अम्बर छौ अमर !!
------------------१ -------------------------------------
मृत्यु एक अभिशाप हो विसंगती,नियतिको पालन !
शाश्वत प्राणको पार्थीव लीला हो, पंचतत्व बिसर्जन !!
कोही चाडै नै त कोही अलि ढीला,राजै छैन अमर !
नौलाख तारा उदाईगए नि ! अम्बर छौ अमर !!
--------------------२ -----------------------------------
कोपिला फक्रेर फुलेर झर्दछ ,माटो मौलाइकन !
त्यही माटो उर्बर बनिदिन्छ ,बनाइ सयौ अङ्कुर !!
तिम्रै काखमा जन्मिए प्रतिभा फक्रुन फलुन अङ्कुर !
नौलाख तारा उदाईगए नि ! अम्बर छौ अमर !!
------------------३ ------------------------
राजा इन्द्रले स्वर्गमै गीत सुन्न, बोलाएको पो होकि ?
इन्द्राणी सखी ती कतै पतिलाई गरीछ्की बिनती ??
नेपाली जनको भरेर दिलमा संगीतको श्राबण !
नौलाख तारा उदाईगए नि ! अम्बर छौ अमर !!
------------------४ ------------------------
(समाप्त )