साउने संक्रान्ति
साउन झुल्यो असार ढल्यो संक्रान्ति मनाउन !
खेती र रोपी सकेर हली थालेछन बिसाउन !!
धानको बीऊ गाडेर जम्मै हरियो भएको !
यही हरा खेत देखेर मन फुरुङ्गै भएको !!
--------------१ -------------------------------
कुकुर डाइनो खोजन नानी जंगल पसिछिन !
कुरिलो अनि लुतेझार खोज्न खेतमा पसिछिन !!
पुरेनीसंग गलेनी बल्दै बासन्ती जलाइयो !
अगुल्टो फाल्दै लुतो जा भन्दै संक्रान्ति मनाइयो !!
--------------२ ---------------------------------------
शंख र घंट फुक्दै र बज्दै नाग्लो ठटाइयो !
कण्डारक नाम गरेका राक्षस अगुल्टो पठाइयो !!
हातमा तिहिरे लगाई काली पहेलै भएकी !
हरियो सारी हरियो चुरा लोभलाग्दी भएकी !!
----------------३ --------------------------------
शिवको पूजा गरेर कन्या असल बर माग्छिन !
शिवको ब्रत बसेर प्रिया स्वामीलाई पुकार्छिन !!
हरियो खेत हरियो बारी हरियै जंगल !
संक्रान्तीसंग मकैको न्वागी पुरा भो रहर
----------------------४ ------------------------
( समाप्त )
No comments:
Post a Comment