"मिठो बोल भन्छ सुगा मलाई"
मिठो बोल भन्छ सुगा मलाई !
तन्नेरी नै छस भन्छ जुगाँ मलाई !!
सारंगीको धूनले मीठो बोले झैँ !
शंखको उद्घोषले पुजा गरे झैँ !!
भन्छिन षोडशी तिमी राजकुमार !
यौबन भरिको तिमी दिकपाल !!
मिठो बोल भन्छ सुगा मलाई !
तन्नेरी नै छस भन्छ जुगाँ मलाई !!
---------१ --------------------------
ऊनी भन्छिन मलाई डरदै नडरने !
सधै सूर्यमा झैँ धपधप बल्ने !!
ऊनी भन्छिन सुन झैँ गल्दै नगल्ने !
मणी झैँ अध्यारोमा पनि धप्प बल्ने !!
तेल म थप्छु, तिमी अर्ग बन्नू !
गीत म लेख्छु, तिमी भाव बन्नू !!
मिठो बोल भन्छ सुगा मलाई !
तन्नेरी नै छस भन्छ जुगाँ मलाई !!
----------------२ -----------------------------
ऊनी भन्छिन मलाई ज्योती दीपक !
बल्नुपर्छ औशीमा छर्दै प्रकाश !!
ऊनी लेख्छिन ममा प्रेम कहानी !
हासो र रोदन साझा जिन्दगानी !!
अनुरागी भन्छिन देह बिनाको !
बन्दैन छाया तिमी बिनाको !!
मिठो बोल भन्छ सुगा मलाई !
तन्नेरी नै छस भन्छ जुगाँ मलाई !!
----------------३ ---------------------
(समाप्त )
No comments:
Post a Comment