नेपाल हाम्रो कति छ राम्रो ...........। भरतपुरको प्रतियोगिताको निम्ति

 नेपाल हाम्रो कति छ राम्रो ...........।        (छन्द :झ्याउरे , शब्द संख्या : १३५  प्रतियोगी कबिता )

यो मेरो देश नेपाल हेर, झन भाव फुर्दछ !

यो मेरो देश नेपाल सम्झ, झन दीप्त जल्दछ !!

धानको बाला तराई झुल्छ, सुनको फसल !

गुराँस रातो गमक्कै फुल्छ, पहाड झलल !!

तोरीको बारी पहेलै फुली, मधेश हासेको !

डाँफे  र मुनाल जुरेली चरी, मसंग नाचेको !!

-------------------------१ -------------------------

आँखामा मेरो त्रिशुली बग्छ, आँखामै गण्डकी !

हिमाल मेरो छातीमा अड्छ, मुटुको ढुकढुकी !!

म फुल्छु मेरै राष्ट्रको फूल, बनेर चमेली !

म जल्छु आफै खरानी भई, आगो झैँ दनदनी !!

मेची र काली, लिपु र नाला देशको सिमा हो !

कोशी र भेरी बगेको मेरो, रगत नशा हो !!

-------------------२ ----------------------------

सोरेठी गाउला, लैबेरी गाउला, सुसेली भाकामा !

जनक बुद्द बिभूति  हाम्रो, स्वर्गको काखमा !!

लेक र बेशी, खोल्सा र भन्ज्यांग, पहाडी बाटोमा !

पसिना भिज्छ, पौरख काढ्छ, नेपाली माटोमा !!

हरियो बन देखेर होला, हिमाल हाँसेको !

नेपाल आमा स्वर्गको देश, म आफू बाचेको !!

-----------------------३ --------------------------------

           (समाप्त )

डा दीपक यात्री 

  लेखनाथ -२७ , कास्की 

हाल : प्रमुख सूचना प्राबिधिक , 

नेपाल क्यान्सर हस्पिटल एण्ड रिसर्च सेन्टर , ललितपुर 

सम्पर्क फोन नं : 9813456374

ई-मेल : deepak1.hclcdc@gmail.com

मेरो राष्ट्र, मेरो प्रतिबिम्ब ( भरतपुर नगरपालिकाको कविता महोत्सवमा प्रतियोगी कबिता)

 भरतपुर नगरपालिकाको कविता महोत्सवमा प्रतियोगी कबिता :

 मेरो राष्ट्र, मेरो प्रतिबिम्ब:

म उठे राष्ट यो उठ्छ भने उठ्छु सबेरमै !

म हाँसे देश यो हास्छ भने हास्छु हिमाल झैँ !!

बगेको तराई देख्दा आँखामै बग्छ बेदना !

लाग्छ त्यै बगाईमा बाध बनी खडा हुन !!

--------१ -----------------------------------

नाङ्गो आंग कतै देखे निर्बस्त्र हुन्छ यो मन !

लाग्छ यही भूमीको बस्त्र दर्जी भई सिलाउन !!

वैलेका फूलका थुङ्गा देख्दा दुख्दछ यो मुटु !

लाग्छ त्यही फूलको मुनि पानीको मुल भै फुटू !!

---------------२-------------------------------

रुन्छ माटो जहाँनेर बाढी पैह्रो प्रकोपमा !

मुर्छा परी दिल दुख्छ रुन्छ बुद्ध स्वयममा !!

कोरोनाको कहरमा राष्ट्र बन्दछ ब्याकुल !

लाग्छ यही राष्ट्रको निम्ति बनूँ सुई कोभिशील !!

------------३-----------------------------------

अन्जुलीभरि ऐसेलु  लिई  कचौरीमा काफल  !

बाड्नेछु टिपेर दाना हजारौ रसिला फल !! 

आँखामा त्रिशुली बग्छ, आँखामै बग्छ गण्डकी !

हिमाल छातिमा अड्छ, मुटुको ढुकढुकी बनी !!

-----------------------४  -------------------------  

म फुल्छु राष्ट्र यो फुल्छ भने बनी सुनाखरी !

म जल्छु खरानी भई राष्ट्रकै निम्ति दन्दनी !!

भू-कम्पको प्रकोपमा ढलेको त्यो धरहरा !

फेरी ठडिए झैँ उठ्छु जगाउदै सबै जना !!

---------------------५  --------------------------------------

                      (समाप्त )

             डा दीपक यात्री , लेखनाथ -२७, कास्की नेपाल 

छोरी म हूँ कोमल !

 छोरी म हूँ कोमल !

कोमल म उठे दाङ बिशे नगरीमा खोजेर जनादेश !

यात्रा भब्य हुदैछ हर घर, आशिषको खातिर !!

बोकी धार्मिक आस्था हृदयमा, आत्मा गरी पावन !

बिन्ति चुनावमा अमुल्य मतको, छोरी म हूँ कोमल !!

--------------------१ ------------------------------------------

नारी हूँ शक्त र भक्त हजुरकी, प्यारी छोरी दाङकी !

एमाले पार्टिको सदस्य म भए, सूर्य झैँ तेजस्विनी !!

शाश्त्रीय परम्परा र विधिका हुन्छन सारा मन्थन !

प्यारो राष्ट्रिय  पार्टिभित्र एमाले , छोरी म हूँ कोमल !!

--------------------२ --------------------------------------

हुन्छन सन्त महन्त साधक सबै विद्वताका सभामा !

हुन्छन बृद्द,बाल, किशोर सबै भएर समाहित !!

राष्ट्र राष्ट्रियता र सार्बभौम अखण्ड हुन्छ यहा चिन्तन !

हाम्रो प्रिय पार्टि हुन गो एमाले, छोरी म हूँ कोमल !!

-----------------३ ------------------------------------------

यात्रामा शशी सूर्य छन् गगनमा, अटल प्रकाशक !

झण्डामा रबि सूर्य छन हृदयमा, नेपाल सम्बाहक !!

आशिर्बाद मिलोस सदा बर मिलोस अमूल्य मत एक !

बिन्ति चुनावमा अमूल्य मतको, छोरी म हूँ कोमल !!

-------------४ ------------------------------------------

                      शब्द रचना : सुश्री कोमल वली 

                        प्रतिनिधी सभा उमेदवार, दाङ्ग -३