"मै हू"
म डाँफे, मुनाल, मयूर मै हू
सबै पंक्षी बस्ने रानीबन मै हू
नयाँ पंक्षी अर्को कहाँ पाइएला ?
सारा पंक्षीको राजा चरी म नै हू
--------------१ --------------------
म ट्याम्को, म सहनाई, झ्याली म नै हू
म दमाहा, ढोलकी, नर्सिङ्गा म नै हू
मीठो धून अर्को कहाँ पाइएला ?
सातै राग बज्ने म त सारंगी हू
--------२ -------------------------
म रातो, म नीलो, हरियो रंग हू
म क्रान्ति, म शान्ति, बिश्वास मै हू
नयाँ रंग अर्को कहा पाइएला ?
सप्तरंगी बोक्ने इन्द्रेणी म नै हू
----------३ -----------------------
म गीत, म संगीत, स्वर म नै हू
म सुर, म गाना, राग म नै हू
कुनै मीठो स्वर कहाँ पाइएला ?
कुहु कुहु गाउने कोइली म नै हू
---------------------४ -------------------
(समाप्त )
No comments:
Post a Comment