मेरो राष्ट्रको सृष्टिमा पृथ्वीनारायण र बहादुर शाहको पसिना चुहेको छ.....

 मेरो देश, मेरो प्रतिबिम्ब 

ए मेरो देश !

म तिमीलाई खरी र पाटी दिन्छु 

बाह्रखरीमा तिम्रो नक्शा कोरिदेऊ

म तिमीलाई बाँसुरी र सारंगी दिन्छु 

शान्तिको धुन बनेर बजिदेऊ

म तिमीलाई मुर्चुङ्गा र नर्सिङ्गा दिन्छु 

मेची र महाकालीको गीत घन्काईदेऊ। 

-------१ ---------------------------------

ए मेरो देश !

हामीलाई स्पष्ट थाहा छ

 श्रीखण्डको बोटमुनि तपस्या गर्दैमा 

निधारमा चन्दन मगमगाउदैनन 

हातका नंग्रा नाखियाई 

देशमा हिरामोती  बर्सदैन 

त्यसैले त,

तिम्रा बाझो खेत र सुख्खा टारीहरु 

हाम्रो सिञ्चनका पसिना पर्खिरहेछन 

तिम्रा भीर, पहरा र छहराहरु 

हाम्रो बलिया पाखुराहरू खोजिरहेछन्। 

----------२ ---------------------------

ए मेरो देश !

अब हामी राष्ट्रप्रेमको थाप्लामाथि नाम्लो राखेर 

देशभक्तिको काखीमुनि पोको च्यापेर 

सवा तीन  कोटि नेपालीको मुटुको साथ

सपना रोप्दै, भविष्य गोड्दै, बिकासको बेर्ना सार्दै 

खन्ति, कोदालो र सावेलहरुको साथमा 

बिकासको निम्ति सगरमाथा झैँ चुलिदैछौ 

समृद्धि निम्ति महाभारत झैँ ठडिदैछौ  । 

---------- ३ ---------------------------

ए मेरो देश !

मेरो राष्ट्रको सृष्टिमा पृथ्वीनारायण र बहादुर शाहको पसिना चुहेको छ

भीमसेन थापा र बलभद्र कुँवरको रगत बगेको छ 

मलाई थाहा छ- 

हाम्रो शरीरमा मात्र मुटु छैन 

मुटुभित्र राष्ट्र पनि छ 

हाम्रो देशको सिमानामा मात्र किल्ला छैन 

किल्लाभित्र एकिकरणको बीरांगाना पनि अडेको छ। 

--------------४ -----------------------------

ए मेरो देश !

बिशाल छिमेकीबिच "दुई ढुंगाको तरुल"

"चार बर्ण र छत्तिस जातको साझा फूलबारी "

"मेरा साना दु:खले आर्ज्याको मुलुक हैन "

हामीलाई थाहा छ -

यी सबै एकिकरणका दिव्योपदेश सार्थक छन् 

यी सबै राष्ट्रनिर्माणका कदमहरु अमर छन्। 

--------------------५ -------------------------------------

ए मेरो देश !

भो ! मलाई स्वर्गको अमरावती चाहिदैन 

बरु,

हत्केलाको ठेलाले टोकेपनि 

पैतालाहरु काँडाले कोतरेपनि 

म चन्द्र सूर्य अंकित राष्ट्रिय झण्डा  किरिया खाएर भन्छु 

"ॐ शान्ति " - यो  देश फलिरहोस  पृथ्वीनारायणको राष्टियतासंगै 

"ब्रम्ह शान्ति" - यो देश फैलिरहोस पृथ्वीनारायणको अखंड़तासंगै 

"बिश्व शान्ति " - यो देश  फुलिरहोस पृथ्वीनारायणको साझा फूलबारीसंगै 

 -------- ६ -------------------------------

              (समाप्त )

 --इ. दीपक यात्री

 प्रमुख सुचना प्राबिधिक, नेपाल क्यान्सर हस्पिटल , ललितपुर 

 स्थायी ठेगाना: लेखनाथ -२७  ,कास्की नेपाल

हरिदेबी कोइराला

नेपाली लोकगीतको फाँटमा एउटा लोकप्रिय नाम हो हरिदेबी कोइराला (Haridevi Koirala )। नेपाली लोक संस्कृतीप्रति सधै आदरभाव राख्ने र नयाँ पुस्तालाई सधै लोकगीतप्रति उत्प्रेरित गर्ने उहाको बिशेषता हो। आफ्नो पहिचान र धरोहरका रुपमा रहेको लोक संस्कृतीलाई सधै जगेर्ना र सम्बर्धन गर्दै आएकी गायिकाका एक हजारभन्दा बढी गीतहरु रेकर्ड भैसकेका छन्।

पाइन खबर , आमा तिम्रो , चिन्ता बढ्यो , झिलझिल सीतारा , आँखाभरी आशूको धारा, बिरानो मुलुक उहाका लोकप्रिय गीतहरु हुन।

सस्तो लोकप्रिय र फगत मनोरंजन भन्दापनि चेतनामुलक र संदेशमुलक सूचना र भावना प्रदान गर्ने गीतहरुकी संकलन र गायिका हरिदेवी कोइरालाको आज परेको शुभजन्मोत्सवको उपलक्ष्यमा सुस्वास्थ्य, दीर्घायु, सुक्खशान्ति, उन्नति सम्वृद्धि, अटल सौभाग्य तथा थप कीर्तिमय साथै लोकगीत क्षेत्रमा थप प्रगति र उन्नतीकोलागि मङ्गलमय शुभकामना अर्पित गर्दछौँ ।

मेरो राष्ट्र, मेरो प्रतिबिम्ब: (राष्ट्रिय कबिता महोत्सव २०७९ को निम्ति )

 मेरो राष्ट्र, मेरो प्रतिबिम्ब:

म उठे राष्ट यो उठ्छ भने उठ्छु सबेरमै !

म हाँसे देश यो हास्छ भने हास्छु हिमाल झैँ !!

बगेको तराई देख्दा आँखामै बग्छ बेदना !

लाग्छ त्यै बगाईमा बाध बनी खडा हुन !!

--------१ -----------------------------------

नाङ्गो आंग कतै देखे निर्बस्त्र हुन्छ यो मन !

लाग्छ यही भूमीको बस्त्र दर्जी भई सिलाउन !!

वैलेका फूलका थुङ्गा देख्दा दुख्दछ यो मुटु !

लाग्छ त्यही फूलको मुनि पानीको मुल भै फुटू !!

---------------२-------------------------------

रुन्छ माटो जहाँनेर बाढी पैह्रो प्रकोपमा !

मुर्छा परी दिल दुख्छ रुन्छ बुद्ध स्वयममा !!

कोरोनाको कहरमा राष्ट्र बन्दछ ब्याकुल !

लाग्छ यही राष्ट्रको निम्ति बनूँ सुई कोभिशील !!

------------३-----------------------------------

म फुल्छु राष्ट्र यो फुल्छ भने बनी सुनाखरी !

म जल्छु खरानी भई राष्ट्रकै निम्ति दन्दनी !!

भू-कम्पको प्रकोपमा ढलेको त्यो धरहरा !

फेरी ठडिए झैँ उठ्छु जगाउदै सबै जना !!

------------------------४ ----------------------

            (समाप्त ) 

ई  दीपक यात्री

लेखनाथ -२७ , कास्की नेपाल 

हाल : नेपाल क्यान्सर हस्पिटल एण्ड रिसर्च सेन्टर 

हरिसिद्दि, ललितपुर, नेपाल  

" ए भानु ! तिमी रहनेछौ अमर रामायण कृति झैँ "

 

" ए भानु ! तिमी रहनेछौ अमर रामायण कृति झैँ   "    (छन्द : शार्दूलविक्रीडित)

 

नेपाली हरिया पहाडी शिलाका तनहुँको गाऊमा !

जन्मे एक प्रतिभा थे विलक्षण भानुभक्त नाउका !!

भर्जन्म घासतिर मन हुनगो घांसी दिए अर्ति नै !

 ए भानु ! तिमी रहनेछौ अमर रामायण कृति झैँ  !!

----------------एक ------------------------

प्रश्नोत्तर, बधुशिला यिनका लघुकाब्यका खातिर !

भक्तमाला अर्को कृति पबित्र अनेकौ छन फुटकर !!

एकदिन नारदजी--जिब्रो जनको रामायण घरघरै !

ए भानु ! तिमी रहनेछौ अमर रामायण कृति झैँ  !!

-------------दुई-------------------------------------

तिम्रो यश छर्यो बैभव यहाँ मेची महाकालीमा !

तिम्रो ख्याती बल्यो जनमनमा आदिकबि भूषण !!

तिम्रो सिर्जन जो पुस्तक बन्यो मोतीराम बाट नै !

ए भानु ! तिमी रहनेछौ अमर रामायण कृति झैँ  !!

------------------तीन ----------------------

नेपाली बाङ्ग्मय फाँट जगमा बामे सरेको बेला !

नेपाली साहित्य राग जनमा सूर्योदयको बेला !!

झुल्क्यौ भानु तिमी बनाई बिहानी घामको किरण झैँ !

ए भानु ! तिमी रहनेछौ अमर रामायण कृति झैँ  !!

------------चार ---------------------------------------

पढ़लान सारा सन्ततीहरुले रामराज्यको कहानी !

बुझ्लान सारा नेपालीहरुले द्वापर युग जीवनी !!

पुज्छौ हामी तिम्रो देन त्यो भगवानको राम झैँ !

ए भानु ! तिमी रहनेछौ अमर रामायण कृति झैँ  !!

-------------पाच ---------------------------------

                  (समाप्त )

 

रचना : ई दीपक यात्री , प्रमुख सूचना प्राबिधिक , नेपाल क्यान्सर हस्पिटल , ललितपुर

स्थायी : लेखनाथ-२७, कास्की नेपाल

मोबाइल : ९८१३४५६३७४

ई-मेल : deepak1.hclcdc@gmail.com

असार पन्द्रह.....

 

(गत बर्षको पोस्ट ,सारै मन परेकोले पुन: यो बर्ष पनि पोस्ट गर्दैछु |)

गाउघर छाडेको दुइ दशक नाघेछ हो !

यो असार पन्द्रह माचामाचको बेलामा घरमा बुबाआमालाई खेताला र बाउसे खोज्नको चटारो होला | कता बुबाले छोरो आएपछि रोपाई आटुला ,एउटा भएपनि बाउसे थपिएला भन्दै बाटो पो हेर्नु भएको छ कि !

बिन्ति ! छोराले खेतीपाती बिर्सेको छैन बरु भारी मन बाधेर कागज रुपी पुर्ख्यौलीको खेतमा कलम रुपी कोदालीले खेत खन्दै शब्द रुपी धान रोप्दै छ :

...

असार पन्द्रह.....

असारको दब,दब हिलो छायो |

असार पन्द्रह घुमिफिरी आयो ||

बजाउदै पात,खेत तर्फ लागौ|

छतरी र स्याखु ,तयार राखौ ||

--------१-----------------

दही चिउरा रोटी खेतालाका खाजा |

चुरेट रक्सी ,हलिकै कलेवा ||

उठ भाई हो, बाउसे शक्ती जागी|

मनाऔ पन्ध्रे हिलो छ्यापी छ्यापी ||

---------२-----------------

लाग्दैन सर्दी, हिलो छ्यापेपनी |

घट्दैन इज्जत बिउ रोपे पनी ||

छुपु छुपु बिउ रोपी देखाऊ |

गैरीको खेत हरियो बनाऊ ||

------३-----------------

गरेर सेंचन ठुलो कुलो लगाऔ |

बाझो त्यो टारी जलले भराऔ ||

असारे मुशलधारे वर्षा छायो |

असार पन्ध्र घुमिफेरी आयो ||

---४----------------------

(समाप्त )

--इ. दीपक यात्री

सिनियर इञ्जिनिएर ;भेरिएन सिस्टम

हैदराबाद भारत

स्थायी ठेगाना: लेखनाथ -६ ,कास्की नेपाल

नोट:छन्द,लय,मात्रा त्रुटिको निम्ति माफ चाहन्छु |

भाब व्यक्तमा केही सफल भएमा लाइक चाहन्छु |

महोत्सवमा दोस्रो भएको सुवास राई ‘क्याप्टेन’ को कविता: ‘फरक’

                                                                   पहाडकाे चुल्ठाे भरि फुलेकाे

गुराँसकाे रङ
र मधेसकाे मजेत्राे भरि लत्पतिएकाे
रगतकाे रङ

सूर्यकाे तापले पग्लिरहेकाे
हिमालकाे रङ
र अाफ्नै पैतालाकाे प्रेमले पृथ्वीमा उम्रेकाे
पसिनाकाे रङ

फरक छन् रङहरू
तर तिमी भन्छाै – रगत सबैकाे राताे हुन्छ
पसिनाकाे रङ उस्तै हुन्छ ।

जसरी
फर्फराइरहेकाे सबै झण्डा
उचालिएका सबै मुठ्ठी
मुक्तिका लागि
हुन सक्दैनन्
गाइएका सबै गीत
लेखिएका सबै कविता
परिवर्तनका लागि हुन सक्दैनन्
त्यसरी नै
फरक छ तिम्राे र मेराे संघर्ष

हाे तिमी
जुलुशकाे अघि-अघि
फहराउँछाै विजयकाे झण्डा
शहीद मन्च,पार्टी कार्यालय
र जन्माेत्सवहरूमा गाउँछाै गीत

म,
काेदालाे, बेल्चा
र अाफ्नै हात,पाउ शीर,शरीरलाई
बनाउछु झण्डा
भीर पहरा , खेत खलियान
र अाफ्नै असमायिक मृत्युमा गाउँछु जीवनकाे गीत

तिमी भन्छाै
विचारले
दर्शनले
उदेश्यले
हामी दुई छुट्टिनै नसकिने
गाढा राताे भइसक्याैँ
अथवा
गहिराे नीलाे भइसक्याैँ
र भन्छाै –
रगत सबैकाे राताे हुन्छ
पसिनाकाे रङ उस्तै हुन्छ
तर मित्र !
मलाई थाहा छ याे धर्तीकाे दुखकाे सहस्र अनुहार
त्यसैले,
हामी उस्तै-उस्तै देखिए पनि
हामी दुबै गहुँगाेराे देखिए पनि
फरक छ हाम्राे भित्री रङ
फरक छ हामी दुईकाे पसिनाकाे रङ ।

***

महोत्सवमा प्रथम भएको चन्द्र रानाहँछाको कविता: ‘आँधीको यात्रा …’

                                            हातमा सपनाको फूल

र पाउमा घामको साइत बोकेर
पर्खिरहेछु अाँधीको यात्रा … ।

सखारैदेखि
मेरो बिदाइमा
गाइरहेछन् चराहरु
सुसाइरहेछ खोला
भुर्भुराइरहेछ आगो … ।

मलाई लिन
अँध्याराका सहश्र बाँधहरु भत्काउँदै
आउनेछ आँधी ।
कतै अल्मलिएला भनी बाटो देखाउन
मुस्कुराउँदै
उदाउनेछ जून ।

म हिँडेपछि –
गृहकार्य गरिरहेकी छोरीलाई
सोध्नेछन् अक्षरहरुले
जीवनको सौन्दर्य ।

एक्लै खेलिरहेको छोरालाई
टक्क रोकिएर बतासले
सोध्नेछ समय ।

साँझपख
आँसु पुछिरहेकी मेरी प्रियतमालाई
जलिरहेको मैनबत्तीले
बुझाउनेछ प्रेमको अर्थ ।

जुनबेला म –
गर्जिरहेको मेघ र रिसाइरहेको चट्याङलाई सम्झाउन
सद्भावको गीत गाउँदै छोइसक्नेछु आकाशलाई ।

काँप्नै लागेको भूकम्प र खस्दै गरेको पहिरोलाई छेक्न
उज्यालोको लौरो टेक्दै
पुगिसक्नेछु क्षितिजमा ।

मसँग –
मेरो हत्केला जो छ
मुठी कस्दा पृथ्वी बन्छ
मुठी खोल्दा आकाश खुल्छ ।

आमा !
यै हत्केलामा कोरिएको बाटोले डोर्‍याउँदै
एकदिन –
ल्याइपुर्‍याउनेछ मलाई तिम्रो काखमा ।

 

छन्दमा कविता कसरी लेख्ने ?

~पोष्टराज चापागाईं~

छन्द सिक्न चाहनेहरूका लागि मात्र ….! खास गरी हालसालै निर्माण गरिएका नया-नयाँ छन्दहरू….!!

छन्द परिचय बिषय प्रवेशः

छन्दमा वर्णहरूलाई ह्रस्व (l) र दीर्घ (S) गरी दुई वर्गमा विभाजन गरिएको हुन्छ …(l) लाई लघु भनिछ भने (S) लाई गुरु भनिछ, जस्तै –

क. ह्रस्व वर्णहरु – अ इ उ ऋ स्वर र तिनीहरुसँग जोडिएका सबै क कि कु कृ व्यन्जनहरू

ख. दीर्घ वर्णहरू – आ ई ऊ ए ऐ ओ औ अम् अ: स्वर र तिनीहरूसँग जोडिएर आउने का की कू के कै को कौ कम् क: आदि

ग. संयुक्त व्यन्जन प्रयोग भएका शब्दहरू उच्चारण गर्दा यदि अघिल्ला वर्णले पछिल्ला आधा व्यन्जनलाई तान्यो भने त्यो अघोल्लो वर्ण ह्रस्व भए पनि दीर्घ नै हुन्छ ….जस्तै –
शब्द उच्चारण दीर्घ वर्ण
अम्बा (अम् +बा)…अ दीर्ध
दिन्छ (दिन् +छ)….कि दीर्घ
लुप्त (लुप् + त)….लु दीर्घ

घ. संयुक्त व्यन्जनको प्रयोग भएका शब्दमा पनि उच्चारण गर्दा यदि अघिल्लो वर्णले पछिलो आधा व्यन्जनलाई तान्न सकेन भने चाहिं त्यो वर्ण दीर्घ नभएर ह्रस्व नै हुन्छ …..जस्तै
शब्द उच्चारण ह्रस्व हुने
गन्यो (ग + न्यो)….ग ह्रस्व
बल्यो (ब + ल्यो)….ब ह्रस्व
उज्यालो (उ + ज्यालो)….उ ह्रस्व

ङ. “अन्याय”(अन्+न्या+य) जस्ता शब्दको उच्चारणमा न थप भएका कारण (दीर्घ+दीध+अ) नै मानिन्छन्

च. पाउका अन्त्यमा ह्रस्व दीर्घ जे भए पनि हुन्छ …..जस्तै – अनि, उही

छन्दमा आठवटा गणहरू हुन्छन…तिनै गणका आधारमा सम्पूर्ण छन्दको निर्माण हुने गर्दछ, छन्दका बारेमा पिंगलले रचना गरेको सजिलो सूत्र छ … त्यो हो
– यमाताराजभानसलगा
अर्थात् –
सूत्र संकेत गण उदाहरण
१. यमाता lSS या जमाना
२. मातारा SSS म नेपाली
३. ताराज SSl त आकाश
४. राजभा SlS र भावना
५. जभान lSl ज हजार
६. भानस Sll भ आँगन
७. नसल lll न कमल
८. सलागा llS स छहरा
९. ल l (लघु) – म
१०. गा S (गुरु) – यो

अब यिनै सूत्र वा नियम भित्र तल मैले (हामीले ) निर्माण गरेका छन्दहरू पनि पर्छन ! दिइएका सूत्रहरू हेरी अब यहाँ आफैले पनि चाहेको छन्दमा आफ्ना कविता वा गजलहरू कोर्न सक्नु हुन्छ …. जस्तै –

जे जे भो भो सब भुलेर ऊ गरौं…
भाले बास्यो अब उठेर ऊ गरौं…
छन्द – सन्दानित (बाँधिएको)
SSS Sll lSl SlS
म भ ज र
(४ अक्षरमा विश्राम र ८ मा अर्द्धविश्राम)

पिलिएको घाउ बन्यो त्यो प्यार नै
दिलमा त्यो टन्टन भै टन्की रहें…
छन्द – परिस्रुत् (मदिरा)
llS SSl lSS SlS
स त य र
(४ – ४ मा विश्राम)

अँधेरीमा राज गर्ने राजा जो जो होस्
प्रभाती यो ‘राज’ हेप्ने तारा टाढा हुन्…
छन्द – कामङ्गामिन् (मनपरी )
SSS SSl SSS SSS S
म त म म गु.
(४ – ४ अक्षरमा विश्राम)

मभित्र नै ती कलम छन् बिधान छन्
म लाख धारा नयनमै अटाउँछु…
छन्द – रोदसी (आकाश धर्ति जोडिएको)
lSl SSl llS lSl S
ज त स ज गु.
(५ अक्षरमा विश्रा…

मूलबाट हे ! छुट्नेहरू हो…
होसियार हौ फुट्नेहरू हो…
छन्द – आश्रयाश (अग्नि)
SlS lSS SlS S
र य र गु.
(५ अक्षरमा विश्राम)

चिहानमै धुक्धुकीको ‘राज’ छामें
अझै थियो आँतमा ती याद गर्ने…
छन्द – सरोजिनी (सूर्य कमल)
Sl SSl SSS lSS
ज त म य
(४ – ४ अक्षरमा विश्राम)

कस्ले आँखा छोप्ने खुल्ला ‘राज’मा
आस्ते आस्ते हल्ला कानाकान भो…
छन्द – रारा (रारा ताल)
SSS SSS SSS lS
म म म ल. गु.
(६ अक्षरमा विश्राम)

जस्ले आफ्नै आमा पिटे
त्यस्ता आँटी चाहिन्न भो…
छन्द – देवाजीविन् (पुजारी)
SSS SSS lS
म म ल.गु.
(४ – ४ अक्षरमा विश्राम)

डसाइका कुरा गरौं कति ?
जवान त्यो भुजङ्ग जो थियो…
छन्द – अनामिका (साहिंली औंला)
lSl SlS lSl S
ज र ज गु.
(४ – ४ मा विश्राम)

के धुम्मेर बस्छौ बादल हौ भने
आऊ चर्किएको खायल छु यहा…
छन्द – मायाकार (जादूगर)
SSS lSS Sll SlS
म य भ र
(६ अक्षरमा विश्राम)

जैले यो ‘राज’को आमा संगीत भो
आए ती मावली मेरै आकारमा…
छन्द – प्रत्युत्क्रान्ति (ठूलो क्रान्ति)
SSS SlS SSS SlS
म र म र
(६ अक्षरमा विश्राम)

घात गर्यो कस्ले ? मौन छन् जून तारा
‘राज’ रह्यो राजै रात खुल्नै सकेन…
छन्द – तोदन (लठ्ठी)
Sll SSS SlS SlS S
भ म र र गु.
(६ अक्षरमा विश्राम)

त्यो ‘राज’को रूप दिने दैव सिपालु
त्यो रूपको आँचलले राज छुपायो…
छन्द – आमलकी (अमला)
Sll SSl lSS llS S
भ त य स गु.
(४ – ४ अक्षरमा विश्राम)

उडे होसका पाना सबै ती
चल्यो ‘राज’मा हावाहुरी झैं…
छन्द – महावात (आँधी)
lSS lSS SlS S
य य र गु.
(५ अक्षरमा विश्राम)

अछुत हुन्न मान्छे दलित कोही छैन
गर निसाफ आफैं कलम पातो होला…
छन्द – जवनिका (पर्दा)
lll SlS Sll lSS SS
न र भ म गु.गु.
(७ अक्षरमा विश्राम)

मर्यो ‘राज’ यौटा ! जित्नेले नबुझ्दा
नजीतेर हार्ने कोही छैन आफ्नो…
छन्द – परीभाव (हेला)
lSS lSS SSS lSS
य य म य
(६ अक्षरमा विश्राम,३ र ९ मा अर्धविश्राम)

रात झैं कालो उतार चस्मा
‘राज’को देख्छौ विहान यौटा…
छन्द – वैजयन्ती (ध्वजा,निसान)
SlS SSl SlS S
र त र गु.
(५ अक्षरमा विश्राम)

तिम्रो ‘राज’मा कस्तो प्यास यो
झन्नै सर्किएँ आधा रातमा…
छन्द – सङ्ख्यावत् (पण्डित)
SSS lSS SSl S
म य त गु.
(५ अक्षरमा विश्राम)

देव द्वारमा रह्यो के अब !
आर्य घाटमा छ यो जिन्दगी…
छन्द – सोमवल्लरी (ब्राह्मी झार)
SlS lSl SSl S
र ज त गु.
(५ अक्षरमा विश्राम)

‘राज’को राज्य यो थिल्थिलो बन्ने भो
लातले बोल्दै छन् तुण्डका पाखण्डी…
छन्द – पण्यवीथीका (बजार लाग्ने ठाउँ)
SlS SSS SlS SSS
र न र न
(६ अक्षरमा विश्राम)

हाङ्बाओ व्ये सीराथाङ्बा चे रे………..राज्यमा थ्यो रमाइलो लाशको
चाप्रोक्मा कूफा केलाङ्बाले इ:प्तु………..डोला कोही नटुवाले छेक्यो
छन्द -सोरोङ्बा (दालचिनी)
SSS SSS SSS SS
म म म गु.गु.
(५ अक्षरमा विश्राम)

आमा हुन् किराँती बाबु हुन् बाहुन
कस्लाई पछारौँ जातको होममा…
छन्द – मुक्तास्फोट (मोती हुने सिपी)
SSS lSS SlS SlS
म य र र
(३ -३ अक्षरमा विश्राम)

लगानी जस्तो थ्यो कमाई त्यस्तै भो…
बिदाको बेलामा मलाई त्यस्तै भो…
छन्द – सिनीवाली (चन्द्रकला थोरै भएको औंसी)
lSS SSS lSS SSS
य म य म
(६ अक्षरमा विश्राम,४ र ९ अक्षरमा अर्धविश्राम)

भाग मेरो कहाँ छ खै ? न्याय कस्ले दिलाउला
प्रदेशको विवादमा ‘राज’ कस्को हुने भयो ?
छन्द – आत्मगुप्ता (काउछो)
SlS SlS lSS lSS lSl S
र र य य ज गु.
(४ – ४ अक्षरमा विश्राम)

बिदाइको घडी कस्तो ! उड्यो चरी हुँदै टाढा
बिछोडका तिता गुड्का थुकीथुकी पिएँ मैले…
छन्द – तिलोत्तमा (अप्सराको नाम)
lSl SlS SSl SlS lSS S
ज र त र य गु.
(४ -४ अक्षरमा विश्राम )

पृथिविको गर्भमा अमर ‘राज’ छन्
म त तिनै स्वार्थको गजलकार हुँ…
छन्द – शरणि (बाटो)
lll SSl Sll lSl S
न त भ ज गु.
(४ र ७ अक्षरमा विश्राम)

पियार थ्यो जहाँ मेटिन्न ‘राज’ त्यो
म बुझ्छु यार ती उद्घोष नेत्रका…
छन्द – तरङ्गिणी (नदी)
lSl SlS SSl SlS
ज र त र
(६ अक्षरमा विश्राम)

निशामा ‘राज’ थ्यो किरणले खुल्यो
सुनौलो खण्डको गजल लेख्नु भो…
छन्द – अनन्ता (सिस्नु)
lSS SlS lll SlS
य र न र
(६ अक्षरमा विश्राम)

जो भीष्मसरि हुन्छन् काँडमै हुन्छ मृत्यु
कात्रो नरम ल्याई खाप्नु पदैन तिम्ले…
छन्द – वीजाकृत (वीउ छरेको खेत)
SSl llS SSl SSl S S
त स त त गु.गु.
७ अक्षरमा विश्राम)

म मर्छु युद्धमा, अघि लाख छन्
नशोच शेषको प्रहरी हुँ म…
छन्द – तुसारमल्लिका (चिसो बेली)
lSl SlS llS l S
ज र स ल.गु.
(६ अक्षरमा विश्राम)…

जति नि जे भए, होइन आजको
विगत ‘राज’का कर्महरू थिए…
छन्द – कमलकेशरी (कमलमा कसर भएकी)
lll SlS Sll SlS
न र भ र
(६ अक्षरमा विश्राम)

हेर्दाहेर्दै खडेरीको हुरी आयो त के गरौं…
छेक्दाछेक्दै डढेलोले वनै खायो त के गरौं…
छन्द – नालापानी (भारतको देहरादूनमा रहेको ऐतिहासिक स्थल)
SSS SlS SSl SSS lSl S
म र त म ज गु.
(४ – ४ अक्षरमा विश्राम)

म कस्तो प्रजाती ? रोपेर हेरे हुन्थ्यो…
कि फुल्थें कि फल्थें गोडेर हेरे हुन्थ्यो..
छन्द – मनोक्रान्ति (मनको क्रान्ति)
lSS lSS SSl SSS S
य य त म गु.
(६ अक्षरमा विश्राम

जाऔं न प्यारी कुनु पर्छ त्याँ…
ऐंसेलु पाक्या हुनु पर्छ त्याँ…
छन्द – ऐंसेलु
SSl SSl lSl S
त त ज गु.
(५ अक्षरमा विश्राम )

तड्पेर बस्नू पर्दा मर्दै छु जिम्दै यहाँ
डोली नल्याए तिम्ले चीता सजाए पुग्छ…
छन्द – आस्फोटनी (मोती छेड्ने सुइरो)
SSl SSS SSS lSS S S
त म म य गु.गु.
(७ अक्षरमा विश्राम)

मधु बगानको बयान के गरौँ…
मिलन स्थानको बयान के गरौँ…
छन्द – तुबरिका (रहर दाल)
lll SlS lSl SlS
न र ज र
(६ अक्षरमा विश्राम)

कोही थिए जो नव ‘राज’ खुल्दा बेहोश भै गएछन्
कोही थिए जो सब राम बन्दै आयो हराम भन्थे…
छन्द – विहङ्गिका (भारी झुन्ड्याउने भार)
SSl SSl lSl SSS SlS lSS
त त ज म र य
(५ र ११ अक्षरमा विश्राम)

कुकुर थ्यो, किन आयौ ? भुक्छ भन्ने जानेपछि…
घरमुली रजनीमा फुक्छ भन्ने जानेपछि…
छन्द – अरुणिमा (विहानी लाली)
lll Sll SSS lSS SSl S
न भ म य त गु.
(४-४ अक्षरमा विश्राम)

आफूले ता माया पिर्ती लाउनै पो जानिएन…
पाएको भा लाम्थें होला पाउनै पो जानिएन…
छन्द – पिण्डीका (रथको पाङ्ग्राको माझको भाग)
SSS SSS SSS lSS SlS S
म म म य र गु.
(४ – ४ अक्षरमा विश्राम )

हाम्ले रात फाल्दा जो जो उदाए
तिन्ले आज भेटे भोली भएँ म …
छन्द – हेमपुष्पिका (पहेंलो जुही)
SSS lSS SSl SS
म य त गु.गु.
(६ अक्षरमा विश्राम, ३ अक्षरमा अर्धविश्राम )

यसोरी नभन्नू दुख्छ याँ…
कटारी धसे झैं हुन्छ याँ..
छन्द – हिमानी (हिउँको थुप्रो)
lSS lSS SlS
य य र
(६ अक्षरमा विश्राम, ३अक्षरमा अर्धविश्राम)

ध्यौता भाकी शीर राखें, गै’छ पवनसँगै त्यो
उड्ने चैते पात हुन् यी बाल मतलव छैन…
छन्द- जातापत्या (सुत्केरी)
SSS SSl SSS lll llS S
म त म न स गु.
(४ र ८ मा विश्राम )

दिल छ एक दिम्ला बस्नुस् न बस्नुस्…
प्रित म नेक दिम्ला बस्नुस् न बस्नुस्…
छन्द – मखमली (मखमली फूल)
lll SlS SSS lSS
न र म य
(७ अक्षरमा विश्राम,४ र ८ मा अर्धविश्राम)

किन भएँ नि राम्री ?
नियतिकी म थोती…
छन्द – सुचरित्रा (पतिव्रता)
lll SlS S
न र गु.
(४ अक्षरमा अर्ध विश्राम )

कहाँ ‘राज’ खुल्थ्यो तखालूसको
लगाइन् गजलले सलवार त्यो…
छन्द – रचना (सिर्जना)
lSS lSS llS lS
य य स ल.गु.
(६ अक्षरमा विश्राम,३ मा अर्धविश्राम )

राम्री बनेर हिड्छौ बसौली पसलमा !
काँचो कबाब बिक्ने जमाना छ ऐले …
छन्द – वातूल (आधीबेरी)
SSl SlS SlS SlS S
त र र र गु
( ७ अक्षरमा विश्राम )

बगैंचामा वसन्त थ्यो, कुरा काटे मयूरले
लजायो लाज ‘राज’को हटाए हात सुस्तरी…
छन्द – कुस्तुम्बरी (धनियाँ)
lSS SlS lSl SSS lSl S
य र ज म ज गु
( ८ अक्षरमा विश्राम, ४ र १२ मा अर्ध विश्राम )

राम्रो के हो र हुन्छ कस्तो ? कुन रङको छ त्यो म कसरी व्याख्यान त्यस्को गरूँ
लोलाईमै त्रिलोक जम्मै सयर गराउने नजर थ्यो, त्यस्मा थियो के नशा…
छन्द – मेघनादानुलासिन् (मयूर)
SSS SlS lSS lll lSl Sll lSS SlS SlS
(८ र २० अक्षरमा विश्राम)

पारी छ तिन्को माया वारी परेको छ छायाँ
बीचमा असारे खोला, गढ़तीरमै अल्झिएँ म…
छन्द – हिमावती (थाकल)
SSl SSS SSS lSS lSS
त म म य य
(७ अक्षरमा विश्राम)

म त राजको नि ‘राज’ हुँ
म हजूर भा नि भन्दिन…
छन्द – अभया (हर्रो)
llS lSl SiS
स ज र
( ५ मा विश्राम )

जस्ले लास बोक्छु भन्थ्यो, उस्कै लास याँ छ
आफ्नै लास बोक्छ मान्छे, जप्दै राम राम…
छन्द – आमिक्षा (फाटेको दूध)
SSS lSl SSS SSl S S
म ज म त गु गु
( ८ अक्षरमा विश्राम )

यौटा ‘राज’ छोड्ने त्यो सर्पै थिएँ कि
मेरै काँचुलीमा मेरै दाह भेटें…
छन्द – चन्द्रभागा (नदी विशेष)
SSS lSS SSS lSS
म य म य
(६ अक्षरमा विश्राम )

आफ्नो देश भन्दै पुग्थ्यो किन कोही ?
झ्याम्मै ‘राज’ धा’थ्यो रुप्से छहरामा…
छन्द – मत्तकासिनी (अंग राम्रा हुने स्त्री)
SSS lSS SSl lSS
म य त स
( ६ अक्षरमा विश्राम )

नयनले शीत देख्यो चमक अर्थियो…
पयरले टिप्न खोज्यो झमक अर्थियो…
छन्द – झमक (साहित्यकार झमककुमारी)
lll SSl SSl llS lS
(८ अक्षरमा विश्राम, ४ अक्षरमा अर्ध विश्राम )

शिलाको जवानी काँचै हरायो…
जवानी थुनेको साँचै हरायो…
छन्द – विपन्ची (वीणा)
lSS lSS SSl SS
य य त गु.गु.
(६ मा विश्राम, ३ र ८ मा अर्ध विश्राम )

नउठाइ लौरी कुनै बाघ टेर्ला ?
सजिलै नभाग्ने भयो राजनीति…
छन्द – भुजंगानन (सर्पको आँखा)
llS lSS lSS lSS
स य य य
(६ अक्षरमा विश्राम,३ र ९ मा अर्ध विश्राम )

नियतीको मारमा छु…
म दुखेको प्यारमा छु..
छन्द -तिलपर्णी (रक्त चन्दन)
llS SSl SS
(४ अक्षरमा विश्राम )

खोजेको थें सानो आभास मेरै आकृतीमा…
भेटें मैले मेरो आकाश मेरै आकृतीमा…
छन्द – काल्चीमिस्री (मिस्री)
SSS SSS SSS SSl SS
म म म त गु.गु.
(४-४ अक्षरमा विश्राम)

वसन्त मास थ्यो…
हुरी बतास थ्यो…
छन्द – सभर्तृका (सधवा नारी)
lSl SlS
(२ अक्षरमा विश्राम )

उनी थिन् त्याँ …
बित्यो छिन् त्याँ…
छन्द – अवाक्पुष्पी (सुप)
lSS S
(२ अक्षरमा विश्राम )

दिलमा झिलिक्क त्यो उनको पुकार थ्यो…
बिजुली थिएन त्याँ ! हँसिलो मुहार थ्यो…
छन्द – अभिसारिका (इसारा गरेको ठाउँमा आउने नायिका)
llS lSl Sll SlS lS
(७ अक्षरमा विश्राम)

हुन्छ भने पास हौ छुन्छु बरीलै…
हुन्न भने दूर हौ रुन्छु बरीलै…
छन्द – मुचुङ्गा (बाजाविशेष)
Sll SSl SSl lSS
भ त त य
(७ अक्षरमा विश्राम)

सलाई आफैं बनाएँ मैले…
मलाई आफैं जलाएँ मैले…
छन्द – जवाकस्तूरी (कस्तुरी जस्तै सुगन्धित)
lSS SSl SSS S
(५ अक्षरमा विश्राम )

नयनमा नजर थ्यो अरु के भनौं…
अधरमा असर थ्यो अरु के भनौं…
छन्द – मधुरसा (दाख)
lll Sll lSl lSl S
न भ ज ज गु
(४-४ अक्षरमा विश्राम)

आमा पकाए बोक्सी बनाई…
बाँटेर खाए बोक्सी बनाई…
छन्द – सीमन्तिनी (स्वास्नी मानिस)
SSl SSS SlS S
त म र गु
(५ अक्षरमा विश्राम)

राजको जवानी राजमा नि राख्ने
राजले छकाई लाटलूट पारे…
छन्द – जानकी (जनकपुत्री)
SlS lSS SlS lSS
( ३ र ९ मा अर्ध विश्राम र ६ मा विश्राम )

नयन छिन पखालें दिल टाँसेर फोटो…
अनि मुसुमुसु हाँसें दिल टाँसेर फोटो…
छन्द – शमाश्री (दीप कान्ति)
lll lll SSl lSS lSS
( ८ अक्षरमा विश्राम )

बाजी यस्तो कमाल थ्यो, यार्सागुम्बा थियो जहाँ…
जित्ने कस्ले सवाल थ्यो, यार्सागुम्बा थियो जहाँ…
छन्द – यार्सागुम्बा
SSS SlS lSS SSS lSl S
(८ अक्षरमा विश्राम )

उनी देख्दा दोबाटोमै ढलेको थें झन्डैझन्डै…
बिहोशीमै माया गर्छु भनेको थें झन्डैझन्डै…
छन्द – विन्देश्वरी (नाम विशेष)
lSS SSS SSl SSS SSS S
( आठ अक्षरमा विश्राम)

अभिशाप जस्तो सपना छ यौटै…
बरबाद भा’को घटना छ यौटै…
छन्द – राज (रहस्य,शासन,राज्य,)
llS lSS llS lSS
(६ अक्षरमा विश्राम)

अब यी छन्दहरू मध्ये कुनै एक चुनी लेख्न सुरु गर्नुस् त ……पहिला यौटा लेखेर हेर्नुस् अनि म अगाडि अरु कुराहरू पनि क्रमश गर्दै गर्दै जाने छु ……( यो यहाँलाई गृहकार्य )

भावपूर्ण श्रदान्जली

                                       भावपूर्ण श्रदान्जली

जन्म मिति :   माघ १४  गते, १९९८                                                        स्वर्गारोहण मिति :ज्येष्ट ३  गते , २०७८ 

   

स्व गोपाल बहादुर श्रेष्ठ 

  यस नेपाल क्यान्सर हस्पिटल एबम रिसर्च सेन्टरका संचालक समिति सदस्य श्रीमती स्वरुपा श्रेष्ठज्यु र ई संजय श्रेष्ठज्यु का पुज्यनीय पिताजी स्व गोपाल बहादुर श्रेष्ठज्युको असामायिक स्वर्गारोहण भएको आज   औ  पुण्य तिथीमा दिबंगत आत्माको चीर शान्तिको कामना गर्दै भावपूर्ण श्रदान्जली अर्पण गर्दछौ। साथै यस दुखद घडीमा शोक सन्तप्त परिवार जनप्रति हार्दिक समबेदना प्रकट गर्दै इश्वरले धैर्य धारण गर्ने शक्ति प्रदान गरुन भनी कामना गर्दछौ। 

                           

                        नेपाल क्यान्सर हस्पिटल तथा रिसर्च परिवार  

मातृशोक

 आफ्नो परम पुज्य पिताजीको देहाबसन भएको ३५ दिन नपुग्दै आफ्नी ममतामयी माताजीलाई पनि गुमाउनु जस्तो असह्य पिडा के हुनसक्छ ? तर प्रभुको लीला , यस नेपाल क्यान्सर हस्पिटल तथा रिसर्च सेन्टर (Nepal Cancer Hospital & Research Center )मा कार्यरत नर्सिङ्ग सुपरभाइजर बिद्या राईलाई पितृ मातृशोकको बज्रपात एकै पटक पर्न गएको छ। बिद्या राईका दिबंगत मातापिताप्रति हार्दिक समबेदना सहित बैकुण्ठ बास होस् भनी ईश्वरसँग कामना गर्दै शोकाकुल परिवारहरुमा धैर्यधारण गर्ने शक्ति मिलोस भनी प्रार्थना गर्दछौ।

मेरो मन्तब्य :चौथो वार्षिकोत्सव

 मेरो मन्तब्य :

आदरणीय महानुभावहरु एबम शुभचिन्तकहरु !

आज ज्येष्ठ २० गते, नेपाल क्यान्सर अस्पताल एण्ड रिसर्च सेन्टरको बार्षिकोत्सबको दिन यस संस्थाको अध्यक्षको रूपमा सानो मन्तब्य  सहितको अवधारणा पेश गरेको छु। यस संस्थामा कार्यरत मेरा स्वास्थ्यकर्मी साथीहरु, मेरा सँगीबोर्ड सदस्यहरू, सम्पूर्ण कर्मचारीसाथीहरु, सेयरधनी महानुभावहरु र सम्पूर्ण शुभचिन्तक जनसमुदायहरु समक्ष यस संस्थाको  चौथो वार्षिकोत्सव मनाउन लागेको व्यहोरा अबगत गराउन पाउदा हामीलाइ अपार आनन्द र गर्व अनुभूति भएको छ ।  यद्यपि यहाँहरुलाइ अबगत नै छ, संसारभरि नै मानबजातीलाई चुनौती दिई उत्पन्न भएको यस कोभिड-१९ (COVID-19) को विषम घडीमा एकातिर हामी सबै लकडाउनको अबस्थामा छौ भने अर्कोतिर यस विषम परिस्थितिको बाबजुद पनि अग्रपंक्तिमा सम्पूर्ण स्वास्थ्यकर्मीहरु लगायत कर्मचारी मित्रहरु अहोरात्र खटिइरहनु भएको छ |

     " नेपालीको  क्यान्सर उपचार नेपालमा नै" भन्ने मूल नाराका साथ राष्ट्रमा व्यापक क्यान्सर उपचारको नेतृत्व गर्ने सोचका साथ यस संस्थाको  स्थापना भएको हो। बितेका केही वर्षहरूमा अस्पतालले आम जनमानसको विश्वास कमाएको छ र नेपाली समाजमा प्रतिदिन अरु  लोकप्रिय भैरहेकोछ। अन्तर्राष्ट्रिय मापदण्डको हेरचाह प्रदान गर्ने  मिशनबाट उत्प्रेरित हाम्रो अस्पतालको चिकित्सा क्षेत्रमा नेपालमा "उत्कृष्टताका साथ हेरचाह" सहित स्वास्थ्य सेवा  प्रदान गर्ने आदर्शप्रति  अडिग छ। यही  जनताको सेवा गर्न हाम्रो दृढ समर्पणले हामीलाई देशको सबैभन्दा विश्वसनीय क्यान्सर अस्पताल बन्न उत्प्रेरित गरेको छ। यस संस्थाको सेवा  धेरै नेपालीको जीवनसँग जोडिएको छ जो प्रत्यक्ष र अप्रत्यक्ष रूपमा क्यान्सरबाट प्रभावित भएका छन् र  हामी यस रोगको बिरूद्ध लड्न हातेमालो गर्दै अघि बढिरहेकाछौ ।

     यस विषम घडीमा नेपाल क्यान्सर हस्पिटल परिवारले हाम्रो चौथो बार्षिकोत्सबलाई सधै मनाइरहेको जस्तो रुपमा मनाउन सान्दर्भिक ठानेंन। बरु  चौथो वार्षिकोत्सव मनाउने क्रममा  यस वर्ष हामीले "कोरोनासंग  बाँच्न सिक्नुहोस् (लीर्ण तो लिव विथ चोरोन " र "कोरोनासँग व्यवहार गर्न सिक्नुहोस् (लीर्ण तो देअल विथ चोरोन)" भन्ने नारा रोजेका छौ ।  यो नारालाइ साकार प्राप्त गर्नका लागि हामीले हाम्रो नव स्थापित "गुणतव  नियन्त्रण विभाग कुअलिटी कन्ट्रोल द्देपर्त्मेंट " र संक्रमण नियंत्रण इकाई (इन्फेच्शन कन्ट्रोल उनित ) नब नियुक्त बहुआयामिक व्यक्तित्व प्रमुख कार्यकारी अधिकृत  डा बच्चु कैलाश कैनीको नेतृत्वमा  उच्च प्राथमिकताका साथ लागिपरेकाछौ। हामीले  "आईएसओ ९००१-२०१५  प्रमाण पत्र प्राप्त पाइसकेका छौ भने गर्न हाम्रो अनुपालन पूरा गर्ने कगारमा छौं। हाम्रा लगनशील  कर्मचारीहरूको लगाव र परिश्रममा  हाम्रो अर्को लक्ष्य एनएबीएच र एनएबीएल मान्यता प्राप्त गर्नेतिर लागिपरेका छौ। हामीले उपचारको उच्च निदानको निम्ति मोलेकुलर प्रयोगशालाको शुभारम्भ गरिसकेका छौ भने अहिलेसम्म यस देशमा अभ्यास नगरिएका केही थप सेवाहरूओन्को फर्टिलिटी क्लिनिक, डीभीटी क्लिनिक, पेडियाट्रिक ओन्कोलॉजी क्लिनिक शुभारम्भतर्फ अग्रसर छौ। 

      म  एक निजी संस्थाको रूपमा गर्व गर्दछु कि हामी विपन्न र अशक्त वर्गहरुको भलाई र कर्तव्यको लागि पनि  आफ्नो कर्तव्य बिर्सेका छैनौं।  गरीब निमुखा जो  क्यान्सरको उपचार गर्न असमर्थ नेपालीहरुलाई हामीले  विभिन्न दान-पुण्य गतिविधिहरूको माध्यमबाट सक्दो  मद्दत गर्न सधैं अग्रसर भएकै छौं। म उनीहरूको लागि अत्यन्त आभारी छु जसले आफ्नो पक्षबाट निःशुल्क र अनुदान प्राप्त उपचार प्रदान गर्न योगदान पुर्‍याउदै आउनुभएकोछ ।

   अन्त्यमा, यस अस्पताललाइ आजको स्थितिसम्म पुर्याउन प्रत्यक्ष/अप्रत्यक्ष, सहयोग गर्ने स्वास्थ्यकर्मीहरु, कर्मचारी मित्रहरु, ब्यबस्थापन तथा संचालक समितीका पदाधिकारीहरु, शेयरधनीहरु, सरकारी तथा गैर सरकारी संस्थाहरु, स्थानीय समितीका महानुभावहरु लगायतका सम्पूर्ण शुभचिन्तकहरुप्रति हस्पिटल परिवारको तर्फबाट हार्दिक आभार प्रकट गर्दछौ। साथै आशा पत्रिका समयमै प्रकाशित गर्न सफल  सम्पादकीय टोलीलाई पनि धन्यवाद दिन चाहन्छु। 

 साथै  यस कोभिड-१९ को  विषम परिस्थितिमा पनि संयमतापुर्बक अहोरात्र सेवामा खटिइरहनु भएका सम्पूर्ण स्वास्थ्यकर्मीहरु लगायत कर्मचारी मित्रहरुलाइ म ब्यबस्थापन तथा संचालक समितिको तर्फबाट हार्दिक धन्यबाद दिन चाहन्छु।

  यस कोभिड-१९को महामारीमा उच्च साबधानी र सतर्कता अपनाउदै आफू बचौ , आफ्नो परिवार र समाजलाई पनि बचाऔ। 

   --- सुदिप श्रेष्ठ, 

कार्यकारी  अध्यक्ष, नेपाल क्यान्सर हस्पिटल एण्ड रिसर्च सेन्टर 

बर-पीपलको छहारी मुनी !

 बर-पीपलको छहारी मुनी !

डाडाकाडा काटेका बटुवा ती !

भारीले थिचिएका भरिया ती !!

थकान मेटी पसिना पुछी !

बर-पीपलको छहारी मुनी !!

--------------------१ ------------------

चराको चिर्चिरे चिर्चिरे स्वर !

हावाको सिर्सिरे सिर्सिरे बहाव !!

छेवैमा हरित चरन सानी !

बर-पीपलको छहारी मुनी !!

------------२ --------------------------

शैशब काल गरी गौचरण !

देखभाल गर्दै भैसीको बथान !!

बस्ने चौतारी बतासे मुनी !

बर-पीपलको छहारी मुनी !!

---------३ ---------------------

गाईको घन्टी आबाज सुन्दै !

बाघगोट्टी गोठाला खेल खेल्दै !!

बस्ने चौतारी बतासे मुनी !

बर-पीपलको छहारी मुनी !!

-----४ -------------------------

डँडिबियो र पानीलौरी खेल्दै !

साधेको गुन्द्रुक बाड्दै र खादै !!

मकै र भट्टका स्वाद अलग्गी !

बर-पीपलको छहारी मुनी !!

नेपाल क्यान्सर हस्पिटल एण्ड रिसर्च सेन्टरको चौथो वार्षिकोत्सव

 आज ज्येष्ठ-२० गते ! नेपाल क्यान्सर हस्पिटल एण्ड रिसर्च सेन्टर (Nepal Cancer Hospital & Research Center )को चौथो वार्षिकोत्सव हो। यहाँहरुलाइ अबगत नै छ, संसारभरि नै मानबजातीलाई चुनौती दिई उत्पन्न भएको यस कोभिड-१९ (COVID-19) को विषम घडीमा एकातिर हामी सबै लकडाउनको अबस्थामा छौ भने अर्कोतिर यस विषम परिस्थितिको बाबजुद पनि अग्रपंक्तिमा सम्पूर्ण स्वास्थ्यकर्मीहरु लगायत कर्मचारी मित्रहरु अहोरात्र खटिइरहनु भएको छ |

यस विषम घडीमा नेपाल क्यान्सर हस्पिटल परिवारले हाम्रो चौथो बार्षिकोत्सबलाई सधै मनाइरहेको जस्तो रुपमा मनाउन सान्दर्भिक ठानेंन।

            यस अस्पताललाई आजको स्थितिसम्म पुर्‍याउनको  निम्ति यस अस्पतालका स्वास्थ्यकर्मीहरु र कर्मचारीमित्रहरुको अमुल्य योगदान रहेको छ। यहाँहरुको यस अमुल्य योगदानलाई नेपाल क्यान्सर हस्पिटल एण्ड रिसर्च सेन्टर ब्यबस्थापन तथा संचालक समितिले उच्च मुल्यांकन गरेको छ। यस विषम परिस्थितिमा पनि संयमतापुर्बक अहोरात्र सेवामा खटिइरहनु भएका सम्पूर्ण स्वास्थ्यकर्मीहरु लगायत कर्मचारी मित्रहरुलाइ म ब्यबस्थापन तथा संचालक समितिको तर्फबाट हार्दिक धन्यबाद दिन चाहन्छु।

यस विषम परिस्थितिको अन्त्यपछि हामीले अबश्य पनि बार्षिकोत्सबलाई सधै मनाइरहेजस्तै रुपमा मनाउने जानकारी गराउन चाहन्छौ । साथै यस अस्पतालको सेवालाई बिश्वास गरी यहाँहरुलाई सेवा गर्ने अवसर प्रदान गर्नुहुने सबै बिरामी तथा बिरामीका परिवारजनहरुमा धन्यबाद ज्ञापन गर्दै यहाँहरुको अपेक्षालाई पूर्ण गर्ने प्रतिबद्दता पनि जाहेर गर्दछौ।

अन्त्यमा यस अस्पताललाइ आजको स्थितिसम्म पुर्याउन प्रत्यक्ष/अप्रत्यक्ष, सहयोग गर्ने स्वास्थ्यकर्मीहरु, कर्मचारी मित्रहरु, ब्यबस्थापन तथा संचालक समितीका पदाधिकारीहरु, शेयरधनीहरु, सरकारी तथा गैर सरकारी संस्थाहरु, स्थानीय समितीका महानुभावहरु लगायतका सम्पूर्ण शुभचिन्तकहरुप्रति हस्पिटल परिवारको तर्फबाट हार्दिक आभार प्रकट गर्दछौ।

--- सुदिप श्रेष्ठ, 

कार्यकारी  अध्यक्ष, नेपाल क्यान्सर हस्पिटल एण्ड रिसर्च सेन्टर 

" ए श्रावण कति सम्झू "

 " ए श्रावण कति सम्झू "

भलले उर्लेर होला, खहरे गडगडाउदै !

टारी र बारीको कान्ला यत्रतत्र बगाउदै !!

थामिन सकेन होला,पैतेको कुलोले पनि !

गडुवा अझ बढेर बग्यो होला अरु बढी !!

-----------१ --------------------------

कालो मेघ गर्जदै होला, बर्षाबनी निरन्तर !

मुसलधारे पानी पर्दा दिपाङ्गको दृश्य सुन्दर !!

ठूलो पधेरीकोमाथि जरुवा फुटेको होला !

सानी पधेरीको कुवा रसाएर बढ्यो होला !!

-----------२ ----------------------------

कोलाको स्वारको चौर हरियो घासले होला !

गाइभैसी गोठालेको जमघट भयो होला !!

गयो कि पहिरो कतै टारी खेत खस्यो कि त !

खुट्टे र पैतेको गाभो बाढीसंगै बग्यो कि त !!

----------३ ---------------------------------

ए श्रावण कति सम्झू अरु भक्कानो उठ्दछ !

ए श्रावण कति लेखू, अरु भावना बग्दछ !!

नसम्झेमा सुख छैन सम्झेको हुन्छ सुन्दर !

लेख्दैछु कबिता तिम्रो झार्दै आँशु बर्बर !!

------- ४ -------------------------

(समाप्त )

--इ. दीपक यात्री

सिनियर इञ्जिनिएर ;भेरिएन सिस्टम

पोखरा लेखनाथ -२७ ; अर्चले ;कास्की नेपाल

हाल: हैदराबाद भारतमा कार्यरत

शुभकामना

 शुभ दिपावली–२०७७  एवं नेपाल संम्वत् ११४१  को पावन अवसरमा नेपाल क्यान्सर हस्पिटल एण्ड रिसर्च सेन्टरमा कार्यरत  सम्पूर्ण कर्मचारीहरुमा  सुख, शान्ति, समृद्धि, सु–स्वास्थ्य एवम् उत्तरोत्तर प्रगतिको शुभकामना व्यक्त गर्दछु  । यस कोभिड-१९ को विषम परिस्थितीमा कोरोन प्रकोपबाट संक्रमण हुदा समेत  रत्तिभर  बिचलित नभईकन केहीदिन क्वारेन्टिनमा  बसेर स्वास्थ्यलाभ लिइकन पुन: नियमित कार्यभार सम्हाल्नु हुने कर्मचारी साथीहरु  प्रति सधन्यबाद प्रकट गर्दछु। साथै उच्च सतर्कताकासाथ अहोरात्र खटिरहनु भएका सम्पूर्ण स्वास्थ्यकर्मी साथीहरु ,कर्मचारी मित्रहरु,हामीलाई सधै प्रेरणा र साथ दिने संचालक समिती सदस्यज्यु हरु, सेयर सदस्यज्युहरु  र उहाँहरुको परिबारहरुलाई नेपाल क्यान्सर हस्पिटल एण्ड रिसर्च सेन्टर  ब्यबस्थापनको तर्फबाट दीपावली –२०७७  एवं नेपाल संम्वत् ११४१ को हार्दिक शुभकामना व्यक्त गर्दछु। 

   

   --प्रार्थी सुदिप श्रेष्ठ , कार्यकारी अध्यक्ष , नेपाल क्यान्सर हस्पिटल एण्ड रिसर्च सेन्टर 

सारा क्यान्सरको निदान यही छ, नेपाल क्यान्सरमा

 सारा क्यान्सरको निदान यही छ, नेपाल क्यान्सरमा :

                                                 (छन्द:शार्दूलविक्रीडित) 

 

हाम्रो निदान सार्थ होस् प्रचुरता उपचार छ चिन्तन !
जस्तै कठोर अबस्थै पुगोस,  हुन्छ है निराकार !!
स्तन, पाठेघर, फोक्सो सबको हुनेछ निवारण !
सारा क्यान्सरको निदान यही छ, नेपाल क्यान्सरमा !!
---------१------------------------------------------------

स्क्रिनिंग गरदै बायोप्सी जाँचले, पहिचान क्यान्सरको !
भेटिन्छ पहिलो चरण पूर्बमै, लक्षण अर्बुदको !!
हाम्रो बचन अखण्ड गुणस्तर, उत्कृष्ट नेपालमा !
सारा क्यान्सरको निदान यही छ, नेपाल क्यान्सरमा !!
-----------२ -----------------------------------

हाम्रो हात पुगोस बिपन्न जगमा, उपचारको खातिर !
हाम्रो घंट बजोस तथास्तु शुभको संदेश उद्घोषक !!
पीडा दु:ख र दर्द शोक सबको, मोक्ष मिलोस घंटमा !
सारा क्यान्सरको निदान यही छ, नेपाल क्यान्सरमा !!
------------३----------------------------------------

रोक्लान लागू र मद्यपान जनले, रहेर सावधानीमा !
धुम्रपान र सुर्तीजन्य पदार्थ, रोकेर है सेवन !!
बाचेसम्म सधै सर्जक बनी, स्वास्थ्यप्रद जीवन !
सारा क्यान्सरको निदान यही छ, नेपाल क्यान्सरमा !!
-------------४ --------------------------------------------
          (समाप्त )
श्रष्टा : ई दीपक यात्री
प्रमुख सूचना प्राबिधिक
नेपाल क्यान्सर हस्पिटल एण्ड रिसर्च सेन्टर 
हरिसिद्दी, ललितपुर 

"चाहिन्न केही अरू"

 कविता, "चाहिन्न केही अरू" शार्दूलविक्रीडित छन्द

मेरो सिर्जन सार्थ होस् विपुलता, उद्गार होस् चिन्तन।

इन्द्रेणीमय रंगदार छविझैं, सौन्दर्य होस् काञ्चन।।

पीडा दु:ख र दर्द शोक जनका, सन्ताप सारा हरूँ।

मेरो देश अखण्ड एक नमरोस् ! चाहे म आफैं मरूँ।।१।

मेरो “मन्दिर” आर्तको घर बनोस्, सेवा बनोस् पूजन।

मेरो हात पुगोस् सधैं जखममा, दुख्तै गरेका मन।।

जाँदा लान सकिन्न साधन कुनै, द्रव्यत्व जेथाहरू।

बाँचेसम्म सदैब मानिस बनूँ, चाहिन्न केही अरू।।२।।

मेरो जीवन लम्कियोस् जगतमा ! सम्मानभन्दा अघी।

मान्छेको शुभ नाम धारण गरोस्, विद्वान भन्दा पनि।।

मेरो देह ढलेर “पार्थिव” हुँदा, मेरा मलामी हरू।

रोउन् लास समीप सज्जनहरू ! चाहिन्न केही अरू।।३।।

आशा लोभ नहोस् किमार्थ कहिले, सामर्थ्य आफैं गरूँ।

आफ्नै राष्ट्र - समाज चित्रण गरी, चौधुन्न शोभा भरूँ।।

लागुन् यी पद नित्य अग्र पथमा, आघात आओस् बरू।

मेरो देश अखण्ड एक नमरोस् ! चाहे म आफैं मरूँ।।४।।

लाऊँ दैनिक वस्त्र एक सुकिलो, थोत्रो पुरानो बरू।

खाऊँ पेट भरेर गुन्द्रुक ढिँडो, तृप्ती यसैमा गरूँ।।

चाहे दु:ख अभाव खात चुलियोस्, आक्रान्त पारोस् बरू।

मेरो देश अखण्ड एक नमरोस् ! चाहे म आफैं मरूँ।।५।।

२०७७//नारायणप्रसाद निरौला

"कही टाढा भौतारिन परेन नेपाल क्यान्सरमै "

 "कही टाढा भौतारिन परेन नेपाल क्यान्सरमै "

(छन्द :- शार्दूलविक्रीडित)

    

हे क्यान्सर कति उग्र गतिले, हल्लाइस सारा मन !
तेरो उग्र अब बढेर कदापि, सक्दैन है फैलन !!
तेरो ग्रहणमा जून अब बल्यो, विकिरण पद्दति !
कही टाढा भौतारिन परेन नेपाल क्यान्सरमै !!
--------१----------------------------------
हे हे क्यान्सर ! भागिदे तलाई इलाज सर्जरीको !
किमो औ विकिरण प्रसस्तै, अन्तेष्टी तेरो भयो !!
सुदिप्ता अनि कल्याणी कोषले गर्दै हातेमालो नै !
कही टाढा भौतारिन परेन नेपाल क्यान्सरमै !!
--------------२ ------------------------
जा जा दुर अर्बुद रोग हामीले , पहिचान गर्छो तेरो !
प्रारम्भिक चरणभित्रै इलाज गरेर निर्मूल पार्छो तेरो !!
तेरो उग्र बहाब अन्त्य हुने भो , औसी भित्र जून झैँ !
कही टाढा भौतारिन परेन नेपाल क्यान्सरमै !!
--------------- ३ ----------------------------
स्तन,पाठेघर,कलेजो र फोक्सो तेरो निशानी रह्यो !
हड्डी,छाती,मुख र मस्तिष्क तेरो प्रकोप रह्यो !!
रोक्छौ लागू र मद्ध्यपान हामीले जीवन साबधानी मै !
कही टाढा भौतारिन परेन नेपाल क्यान्सरमै !!
------------४-----------------
अब दीप बल्छ खुशीयालीको क्यान्सर बिजेताहरु !
हास्छन,खेल्छन,नाच्छन बरिलै र्याम्प सो गरी गरी !!
सुन्दर पुष्प फक्रेर सुगन्ध छर्छ, नेपाली बगैचा मै !
कही टाढा भौतारिन परेन नेपाल क्यान्सरमै !!
--------------५ ---------------------------------
 
स्क्रिनिंग बायोप्सी जांच र शिबिर पहिचानको खातिर !
भेट्छौ पहिलो चरणमै गर्छॊ क्यान्सर निदान !!
नेपाली क्यान्सरका पन्छीहरू हो भारत उड्नु नभई !
कही टाढा भौतारिन परेन नेपाल क्यान्सरमै !!
-------------६ -------------------------------
  (समाप्त)
स्रस्टा :दीपक यात्री
  प्रमुख सूचना प्राबिधिक 
नेपाल क्यान्सर हस्पिटल एण्ड रिसर्च सेन्टर 
हातिवन, ललितपुर , नेपाल 

"जन्मदिनमा म "

 

"जन्मदिनमा म "

म एउटा फूल भै फुलू ,मौरीको मनोहरमा !

फूलको रसले भरोस ,मौरी घार हराभरा !!

त्यही मह बन्न सकोस ,आयुर्वेदिक औषधी !

स्वास्थ्यलाभ तिनीलाई,असहाय र रोगी !!

------१-------------------------------------

म एउटा आगो भै बलू,रन्किएर रापमा !

आगोको रापले फाडोस ,झार् पाते खोरिया !!

त्यही खोरियामा भोली,फलोस उर्बर फसल !

भूमीहिन सुकुम्बासी,बनाउदै घरबार !!

---२---------------------------------------

म एउटा जल भै बगू,यत्रतत्र बगाउदै !

जलको संगमभित्र ,खोलानदी बनाउदै !!

त्यही नदी हुन सकोस,सिचाइको साधक !

आकासे पानीको भरमा,मुक्ति पाउन कृषक !!

-------------३------------------------------------

म एउटा ऋतु भै आउ ,चाडपर्ब बोलाउदै !

चाडको रंगमा दशैं ,तीज तिहार मनाउदै !!

त्यही पर्ब हुन सकोस ,खुशीको ठूलो उत्सब !

सारा नेपालीमा छावोस, हर्ष एबम महोत्सब !!

----------४ ----------------------------------------

(समाप्त)

मेरो देश, मेरो प्रतिबिम्ब

मेरो देश, मेरो प्रतिबिम्ब 

ए मेरो देश !

म तिमीलाई खरी र पाटी दिन्छु 

बाह्रखरीमा तिम्रो नक्शा कोरिदेऊ

म तिमीलाई बाँसुरी र सारंगी दिन्छु 

शान्तिको धुन बनेर बजिदेऊ

म तिमीलाई मुर्चुङ्गा र नर्सिङ्गा दिन्छु 

मेची र महाकालीको गीत घन्काईदेऊ। 

-------१ ---------------------------------

ए मेरो देश !

हामीलाई स्पष्ट थाहा छ

 श्रीखण्डको बोटमुनि तपस्या गर्दैमा 

निधारमा चन्दन मगमगाउदैनन 

हातका नंग्रा नाखियाई 

देशमा हिरामोती  बर्सदैन 

त्यसैले त,

तिम्रा बाझो खेत र सुख्खा टारीहरु 

हाम्रो सिञ्चनका पसिना पर्खिरहेछन 

तिम्रा भीर, पहरा र छहराहरु 

हाम्रो बलिया पाखुराहरू खोजिरहेछन्। 

----------२ ---------------------------

ए मेरो देश !

अब हामी राष्ट्रप्रेमको थाप्लामाथि नाम्लो राखेर 

देशभक्तिको काखीमुनि पोको च्यापेर 

सवा तीन  कोटि नेपालीको मुटुको साथ

सपना रोप्दै, भविष्य गोड्दै, बिकासको बेर्ना सार्दै 

खन्ति, कोदालो र सावेलहरुको साथमा 

बिकासको निम्ति सगरमाथा झैँ चुलिदैछौ 

सम्रिद्दि निम्ति महाभारत झैँ ठदिदैछौ। 

---------- ३ ---------------------------

ए मेरो देश !

भो ! मलाई स्वर्गको अमरावती चाहिदैन 

बरु,

हत्केलाको ठेलाले टोकेपनि 

पैतालाहरु काँडाले कोतरेपनि 

म माटोको किरिया खाएर भन्छु 

"ॐ शान्ति " - म देश रोपिरंहू रोपाहाराहरुसंग 

"ब्रम्ह शान्ति" - म देश गोडिरंहू खेतालाहरुसंग 

"बिश्व शान्ति " - म देश खानिरंहू बाउसेहरुसंग। 

 -------- ४-------------------------------

              (समाप्त )

 --इ. दीपक यात्री

 प्रमुख सुचना प्राबिधिक, नेपाल क्यान्सर हस्पिटल , ललितपुर 

 स्थायी ठेगाना: लेखनाथ -२७  ,कास्की नेपाल

सम्पर्क : ९८१३४५६३७४ 

Happy Birthday Dr. Gisupnikh prasiko

 रेडियो थेरापी स्वास्थ्य विधामा एम डि अध्यन पछि २४ बर्ष भन्दा बढी स्वास्थ्य सेवामा अनुभबी नेपाली सुप्रसिद्ध चिकित्सकको नाम हो गिसुप प्रसाई (Dr.

Gisup Prasiko

) । बि पी मेमोरिअल क्यान्सर हस्पिटल, चितवनको रेडियो थेरापी विभागका सस्थापक श्री प्रसाई हाल नेपाल क्यान्सर हस्पिटल (

Nepal Cancer Hospital & Research Center

) हरिसिद्धिको रेडियो थेरापी विभागको प्रमुखको रुपमा कार्यरत हुनुहुन्छ । दर्जनौ रास्ट्रिय र अन्तरास्ट्रिय स्वास्थ्य सस्थाहरुमा संलग्न डाक्टर प्रसाइका दर्जनौ अनुसन्धानात्मक लेखहरु अन्तरास्ट्रिय पत्रिकाहरुमा प्रकाशित छन् । उहाँको आज परेको शुभजन्मोत्सवको उपलक्ष्यमा सुक्ख, समृद्धि, सुस्वास्थ्य, सुकीर्ति र दीर्घायूका लागि हाम्रो व्यक्तिगत र संस्थागत तर्फबाट हार्दिक मङ्गलमय शुभकामना प्रकट गर्दै उहाँको सपना "नेपालीको क्यान्सर उपचार नेपालमै " सम्पूर्ण रुपले सफल एबम साकार बन्न सकोस भनी शुभकामना प्रकट गर्दछौ ।

-------नेपाल क्यान्सर हस्पिटल परिवार

Feeling glad and excitement to celebrate birthday to our eminent & renowned Radiation oncologist Dr

Gisup Prasiko

at

Nepal Cancer Hospital & Research Center

premises today.He is considered to be one of the key person to establish Radiotherapy service at BP Koirala Memorial cancer Hospital (BPKMCH), Chitwan and at Nepal cancer hospital and research center , lalitpur. He is currently sr. consultant and head of department in department of Radiation Oncology, as well as advisor of Nepal Cancer Hospital and Nepal Cancer Support Group.

He is President of PRECAN (Prevent Cancer, Non profitable Non Govt organization) engaged in Prevention of Cancer in Nepal.

We wish him sound healthy and prosperous life and also wish him to fulfill his dream of "Nepalese cancer treatment in Nepal itself".

---Nepal Cancer hospital staffs

डा सुदिप श्रेष्ठ शुभजन्मोत्सव

 डा सुदिप श्रेष्ठ, नेपाल क्यान्सर अस्पताल एण्ड रिसर्च सेन्टर (

Nepal Cancer Hospital & Research Center

) का कार्यकारी अध्यक्ष नेपालमा अन्कोलजीको क्षेत्रमा अग्रगामी र सुपरिचित चिकित्सक हुनुहुन्छ । सन् २०१५ मा नेपाल क्यान्सर हस्पिटल उहाँकै नेतृत्व र अग्रसरतामा स्थापना भएको हो।

नेपाल क्यान्सर हस्पिटल सुरु गर्नुभन्दा पहिले डा श्रेष्ठले भक्तपुर क्यान्सर अस्पतालको चिकित्सा निर्देशक र विभागीय प्रमुखको रूपमा सेवा गरेर काफि अनुभब लिईसक्नुभएको छ । नेपाल क्यान्सर हस्पिटल स्थापना अगाडि नेपालमा क्यान्सर केयर शाखा र ओम क्यान्सर केयर सेन्टर जस्ता महत्वपूर्ण सार्वजनिक अस्पताल स्थापना गर्न महत्वपूर्ण भूमिका खेल्नुभएको थियो । नेपालमा प्यालिएटिभ हेरचाह (२००९) र नेपाल क्यान्सर सहयोग समुह (२००९) का संस्थापक अध्यक्ष समेत रहनु भएका ड़ा श्रेष्ठ क्यान्सर उपचार सहित हेरचाह र अन्य पक्षहरु (शैक्षिक, प्यालिएटिभ.. आदि ) पनि अत्यावश्यक हुन्छ भन्ने मान्यता राख्नुहुन्छ ।

क्यान्सर रोगको उपचारमा देशको अग्रणी विशेषज्ञको रूपमा सुपरिचित ड़ा श्रेष्ठ क्यान्सर सम्बन्धि वक्ता, क्यान्सर सम्बन्धि कार्यक्रमको आयोजक, अन्वेषक र संस्थापकको रूपमा असंख्य क्यान्सर गतिविधिहरूमा संलग्न हुनुहुन्छ । नेपालमा क्यान्सर निवारणका लागि साहसी र दूरदर्शी व्यक्तित्व साबित गरिसक्नुभएका ड़ा श्रेष्ठ कुनै पनि नेपालीले क्यान्सर उपचारको निम्ति भारत र अन्य मुलुकमा भौतारिन नपरोस , नेपालमै सबै प्रकारको सर्बसुलभ उपचार सम्भब होस् भन्ने मान्यताबाट नेपाल क्यान्सर हस्पिटलको स्थापना भएको बताउनुहुन्छ । नेपालीको क्यान्सरको उपचार गर्न देशको राष्ट्रिय स्वास्थ्य नीति अन्तर्गत राष्ट्रिय स्वास्थ्य बीमाले क्यान्सर उपचारलाई पनि समेट्नु पर्ने धारणा राख्नुहुन्छ ।

अस्पतालको कर्मचारीहरुको तर्फबाट उहाँको शुभजन्मोत्सवको सुखद उपलक्ष्यमा सुस्वास्थ्य, दीर्घायु, सुक्खशान्ति, उन्नति सम्वृद्धि तथा थप कीर्तिमय जिबनको लागि शुभकामना दिदै उहाको सपना "नेपालीको क्यान्सर उपचार नेपालमै " र "उत्कृष्टता संग हेरचाह "ले साकार एबम सफल रुप लिन सकोस भनी इश्वरसंग प्रार्थना गर्दछौ ।

---नेपाल क्यान्सर हस्पिटल परिवार

Dr. Sudip Shrestha (

Sudip Shrestha

), the Executive Chairman of Nepal Cancer Hospital & Research Center (NCHRC) is a visionary and a pioneer in the field of oncology in Nepal. His “dream project” of a comprehensive cancer hospital in Nepal that provides quality cancer care was realized in 2015, when NCHRC was established under his leadership as Executive Chairman.

Before NCHRC, Dr. Shrestha worked as Medical Director and HOD of Bhaktapur Cancer Hospital, helping establish and run this important public hospital, and also played an instrumental role in establishing the Om Cancer Care Centre, the dedicated cancer care wing of a popular private hospital in Nepal. His passion for comprehensive cancer care has led him to envision and set up many organizations dedicated to academic, palliative or other aspects of cancer care. As founding president, he provided the vision and energy for the establishment of Nepalese Association of Palliative Care (NAPCare 2009) and the Nepal Cancer Support group (NCSG 2009). He is also a founder member of Om Health Foundation, a voluntary organization to help poor patients.

As the country’s leading expert on cancer, he has been involved in numerous cancer activities as speaker, teacher, organizer, researcher, or founder. Dr. Shrestha continues being bold and visionary in tackling cancer in Nepal, and wants to help make cancer treatment and control a part of the country’s national health policy, and help cover cancer patients under a national health insurance policy.

we are delighted to express our heartfelt wishes and feel proud to celebrate birthday of our Executive Chairman of Nepal Cancer Hospital and Research Center (NCHRC) Dr. Sudip Shrestha (

Dr Sudip Shrestha Senior Medical Oncologist

) to wish him on this special day life to be filled with warmth of sunshine, happiness of smiles, sounds of laughter, good cheers and sound health. Also wishing him for grand success on his dream project for a "comprehensive cancer hospital in Nepal " , & " Nepalese cancer treatment in Nepal itself “

---Nepal cancer Hospital family