अत्याशिलो परिवेश:
आषाढको मुशलधारे बर्षा
पहिरोले भत्किएको उजाड पहाड
पहिरोसंगे लच्किएका कलिला बोटहरु
कहिल्यै फर्किएनन हरा बन्न सकेर !
----------------१ -------------------
चैत बैशाखको सिरेटो हुरीसंगै
भत्किएका गुडहरुसंग बिचल्लिएका चराहरु
त्यही हुरीसंगे बत्तासिएर क्षितिजमा
कहिल्यै फर्कन सकेनन बासस्थानमा !
-------------२ -------------------------
विनाशकारी भू-कम्प्को प्रलयसंगै
भत्किएको मन्दिर र ढलेको पाठशाला
भत्किएकै अमिलो मनसँग
कहिल्यै पुनर्निर्माण भएनन सत्यदेव बनेर !
----------३ ---------------------------
पशुपतिको आर्यघाटसंगै
बजिरहेछ क्रन्दनको बाँसुरी
सखी र आमाको आखाँबाट
बगिरहेछ आँशुको गण्डकी !
------------४ --------------------
(समाप्त )
No comments:
Post a Comment