"पानीसंग नजिस्क"
पानी,
पोखरीमा बन्द भएर बसेको छु
इनारमा गुप्त भएर रहेको छु
तैपनि,
म किचिएर बस्न जान्दिन
म थिचिएर बस्न मान्दिन !
-------------------१ ----------------------
पानी,
म नदी भएर स्वतन्त्र बग्न चाहन्छु
म तलाऊ भएर निश्छल रहन चाहन्छु
म चाहे ,
नदीबाट कुलोमा परिणत हुन्छु
हर खेतको बालीमा सोसिञ्छु
म चाहे,
बर्षाबाट थोपामा रुपान्तरित हुन्छु
हर मुट्ठी माटोमा बिलिन हुन्छु
म चाहे,
नदी भएर बाधमाथि टरवाईनसंग घुम्छु
आफ्नो पौरखले बिजुलीको उर्जाशक्ति दिन्छु
-------------------------------२---------------
तर,
म पानीसंग नाजिस्क,
म सरल छु
म तरल छु
बलजफ्ती मेरो बेगले रोक्दा ;
यहाँ भीषण प्रकोप हुनसक्छ
बाध्यताले मेरो गतिलाई रोक्दा,
यहाँ महाप्रलय हुनसक्छ !
-----------३ ----------------------
आखिर,
म छताछुल्ल भई पोखिन चाहन्छु
म यत्रतत्र सर्बत्र बग्न चाहन्छु
म भलभली उम्लेर पोखिन चाहन्छु
म ह्वालह्वालती खहरे झैँ उर्लिन चाहन्छु !
-------------४ ------------------------------------------
तर याद गर,
म पानी नदी झैँ शालीन सलल बग्न पनि सक्छु
म पानी तलाऊ झैँ शान्त बस्न पनि सक्छु
बरु तिमी पनि मजस्तै,
समय र परिस्थितीमा उर्लन पनि सिक
शान्त सद्भावमा संयमित हुन पनि सिक
किनकि,
म पानी सरल छु
म पानी तरल छु।
----------५ --------------------
(समाप्त )
No comments:
Post a Comment