"रातसँग युद्द"
अध्यारो !
सन्नाटाको बिरुद्द एउटा युद्द गरौ
मौनताको बिरुद्द एउटा युद्द गरौ
नीरबताको बिरुद्द एउटा युद्द गरौ।
-----------१ --------------------------
हामीले अब,
अध्यारोको सन्नाटालाई तोडेर
उज्यालोको प्रकाशलाई फिज्याउनुछ
अमुक मौनतालाई तोडेर
बुलन्द आबाजलाई निम्त्याउनुछ
नीरबताको चुपचापलाई तोडेर
उल्लासको बाताबरण सिर्ज्याउनुछ।
------------------२ -----------------------
अध्यारो बिरुद्द लड्न अब
जूनकिरीहरु बत्ति बाल्दै तत्पर छन्
जूनहरु चम्किदै माहिर छन्
ताराहरु टल्कीदै उद्धत छन्।
----------------------३ ------------------
रात काट्न नसक्दा,
चराहरुको चिरबिर चिरबिर कुण्ठित भएको छ
भाले बास्ने "कुखुरी काँ" स्वयम लोप भएको छ
प्रभातीको जप्मंत्र अरु बिलाम्बित भएको छ
बिहानीको नित्यक्रिया पनि स्थगित भएको छ।
----------------४ ----------------------------------
जागौ !
अब हामी सबै हातमा अगुल्टो र टर्च लिएर जागौ
अब हामी सबै साथमा मैनबत्ती र लाल्टिन लिएर जागौ
अशिक्षा र अन्धबिश्वासको रातलाई निस्तेज पारौ
रुढीबादी र बिसंगतीको रात्रीलाई निष्क्रिय पारौ।
------------५ -------------------------------------------
(समाप्त )
No comments:
Post a Comment