जूनसँग एकछिन
साझपाख,
दिनभरीको हली बाउसे भएर
खेत खन्दै र जोत्दै गरेर
कछुवा चालमा बिस्तारै उकालो लाग्दा
जूनेली साझको शीतल उज्यालोमा
बर्षातको चिप्लो रातोमाटोमा
जूनले आफ्नो यौबन साट्दो रहेछ।
-----------१ -------------------------
साझ्पख,
बेशीको खेतदेखि पहाडको चुलीसम्म
हली खेतालाको गहिरो पिडा लुकाउदै
घर पुगेर छत्री र स्याखु बिछ्याउदै
मुनाजस्तै चंचल शिशुहरुसंगे
आगनीको जूनेली उज्यालोमा हास्तै र रमाउदै
जूनले पनि किसानसँग माया साट्दो रहेछ।
---------------२ ---------------------------------
रातसंगै,
अध्यारोको मैलो घुम छोडेर,
कालो मसिको आकासलाइ
रोशनीको बिरंगी किरण छरेर
रमाइलो परिवेश र जूनेली गगनमा
घुर्मैलो पर्यावरण बनाउदो रहेछ।
------------------३ --------------------
बिहान सखारै,
अरुलाई दिनुको स्वार्थ मोह
आफ्नो हतियारले टुक्र्याउदै टुक्रीदै
दूबो र झारकोमुनि शीतल आँशु थुपार्दै
आफै झरेर बिलाउदो रहेछ।
----------४ --------------------------
आखिर,
जूनले कसैसंग नबोली
जूनले कसैलाई नपोली
शीतल प्रकाश दिदो रहेछ
पूर्णिमाको रातसंगै हास्तै खेल्दै
अध्यारोको बिरुद्द कबिता लेखाउदोरहेछ
रातको बिरुद्द शृजना गराउदो रहेछ।
----------५ -------------------------
(समाप्त )
No comments:
Post a Comment