"परदेशीलाई
बिरानो तिहार"
सयपत्री फूलहरुले बारी रंगीन
पार्यो होला !
झिलिमिली दीपबत्ती,औशीले नि
हार्यो होला !!
दिदी बहिनी भान्जीहरु मिली
माला बुने होलान
!
गलाभित्र छिर्न साटो वैलिएर
झरे होलान !!
--------------अ
-----------------------------------
झ्यालदेखि आँगन पिढी
दीपहरु जल्दै होलान !
फूलजस्तै हासो भर्दै
लालाबाला रम्दै होलान !!
गाई, गोरु, कुकुर, काग
पुजिएर प्रसन्न भई !
घासपात हेर्न छाडी अन्न
मात्रै खादै होलान
!!
-----------आ
---------------------------------
कोजाग्रत रातमा जम्दै जुवातास
खेल्दै खेल्दै !
लाहुरे छुट्यो यसपाली भन्दै
भन्दै रम्दै होलान
!!
गाइतिहार भैलो देउसी
बलिराजा बक्दै बक्दै !
गाऊघरे ठिटाठिटी गाउघर घेर्दै
होलान !!
-------------इ
-------------------------------
ओखरको गेडा फोडी
आयु लामो होवोस
भन्दै !
दिदीबैनी परदेशी भाइ तिम्लाई भन्दै
होलान !!
कचौरीको तेलभित्र हरा लामो
दूबो डुबाउदै !
परेलीको नयनमा नुनपानी झारे
होलान !!
---------ई
----------------------------------
मेरो जस्तै
कर्म फुट्ने अभागी
ती भाइहरु !
बिरानोमा आशु पुछ्दै
तिहार गीत लेख्दै
होलान !!
लक्ष्मीपूजा,लक्ष्मीदिवस भन्दै तिहार
गीत लेख्दै !
बिद्धुतीय संजाल र छापाहरुमा
छाप्दै होलान !!
-----उ
---------------------------
(समाप्त )
स्रष्टा : दीपक यात्री
सिनिएर इन्जिनियर, भेरियन सिस्टम
तिथि:औशी ,लक्ष्मीपूजा
मिति
:कार्तिक १४ गते
स्थान : हैदराबाद ,भारत
स्थायी ठेगाना :लेखनाथ -६
,अर्चले कास्की
No comments:
Post a Comment