अभावलाई संहू मैले, दबाबलाई सहने छैन
खडेरीलाई संहू मैले , गलत्याईलाइ सहने छैन
बदनामै होवोस मेरो, अपमान सहने छैन
राष्ट्र मेरो सानै होला, पराइ पाइला टेक्न दिन्न !
-------------------१ ------------------------------
हातको ठेला उठी फुटोस, हेलाई स्वीकार्य छैन
थाप्लोमा नाम्लो नै होस् , राष्ट्र शान झुक्ने छैन
दाउराको भारी बोकू, राष्ट्र झण्डा झुक्न दिन्न
राष्ट्र मेरो सानै होला, पराइ पाइला टेक्न दिन्न !
--------------२ --------------------------------
एक दिन भोकै बसू आफै , कसैसंग माग्ने छैन !
एकछिन प्यासै बसू आफै, पराई दैलो धाउने छैन
एकै सरो लगाऊ बरु, हिरामोती लाउने छैन
राष्ट्र मेरो सानै होला, पराइ पाइला टेक्न दिन्न !
---------------------३ ---------------------------
(समाप्त )
श्रष्टा : डा दीपक यात्री
प्रमुख सूचना प्राबिधिक
नेपाल क्यान्सर हस्पिटल एण्ड रिसर्च सेन्टर , ललितपुर नेपाल
रचना मिति : २०७९ साल असार ९ गते बिहिवार
No comments:
Post a Comment