"यो नेपाली बीर साहसी" (राष्ट्रिय गीत )
यो नेपाली बीर साहसी, डटी डटी लड्ने गर्दछ !
यो नेपाली बहादुरीले, लिङ्गो जस्तै बढ्ने गर्दछ !!
डाँफे चरी नवै रङ्गले यही देशको रङ्ग बोक्दछ !
मयूरको रङ्गीचङ्गीले यही देशको प्वाँख ओडदछ !!
गुराँसको फूलसंगै, यही देशको शान फुल्दछ !
खुकुरीको धारसंगै, यही देशको डोब बस्दछ !!
यो नेपाली बीर साहसी, डटी डटी लड्ने गर्दछ !
यो नेपाली बहादुरीले, लिङ्गो जस्तै बढ्ने गर्दछ !!
स्वयम्भूको दुईटा आँखाले, यही देशलाई शान्ति दिलाउछ !
पशुपति सुनको गजुरले , यही देशलाई बरदान चढाउछ !!
सारङ्गीको मीठो धुनले, यही देशको गाथा गाऊछ !
शंखध्वनीको उद्घोषले , यही देशको ध्वनी बजाउछ !!
यो नेपाली बीर साहसी, डटी डटी लड्ने गर्दछ !
यो नेपाली बहादुरीले, लिङ्गो जस्तै बढ्ने गर्दछ !!
(समाप्त )
No comments:
Post a Comment