मेरो राष्ट्र:
लालुपाते ढकमक फुली बनपाखा भर्न पाउँ !
हिमालको सुरुप दृश्यमा राष्ट्र गीत म गाउँ !!
रोपौ एउटा अमृत गमला, फूल आफ्नै गरामा !
फूलबारीको ढकमक बनोस, साहित्य सृजनामा !!
-------------------१ ------------------------------
खोपौ एउटा दिब्य प्रतिरुप, शालिग्राम शिलामा !
बनोस ज्युदो सकल मुटुको ढुकढुकी भै गलामा !!
नारौ गोरु दबदब हिलो, छातिमा खेल्न पाउँ !
कोदालीको सिर्जना गतिमा आषाढ गीत गाउँ !!
----------------------२------------------------------
उठौ हामी शुभ बिहानीमा, रविको प्रभा साथमा !
जागौ हामी सकल नेपाली, अरनिको कथामा !!
ब्युझौ हामी मृदु लहरमा, गण्डकी छाल छाल !
बाचौ हामी स्वर्ग नेपालमा, स्वच्छ शान्त हिमाल !!
------------------३ -----------------------------------
गाऔ हामी गीति कथाहरु सारंगी ताल ताल !
नाचौ हामी डाफें मुनाल झैँ, शुभ्र शान्त हिमाल !!
पढौ हामी गौरी धराहरु, मुना मदन सरस !
लेखौ हामी तरुण तपसी, जन्मिउन लेखनाथ !!
-----------------४ ------------------------
थप्दै जाऊ तेल दीप्तभरी, बालेर धपधप !
अखण्ड यो मातृभूमी बनोस चिरायू युग युग !!
बलोस दिब्य दनदनी यहाँ, संजीवनी हवन !
बुकीमा नै फक्रोस राष्ट्र, बनी टुकी जीवन !!
-------------५ ---------------------------
बोलौ हामी शैल पहरामा प्रतिध्वनी नेपाल !
मेरै हृदयतल बाणीमा झंकोस बीणाअङ्कार
No comments:
Post a Comment