नेपाली गजल प्रतियोगिताको निम्ति :
म र मेरो राष्ट्र (गजल):
म राष्ट्रको सम्पदामा, आफूलाई सजाउछु !
म राष्ट्रको ध्वजाभित्र, चन्द्र सूर्य फहराउछु !!
१
म माटोमा लड़ूबुडू, कर्मभित्र रमाउन !
म रागमा नौमती गाऊ, राष्ट्रभक्ति जगाउन !!
२
अभावलाई सहूँ मैले, दवावलाई सहने छैन !
खडेरीलाई सहूँ मैले, उत्पीडनलाई सहने छैन !!
३
बदनाम होवोस मेरो, अपमान सहने छैन !
राष्ट्र मेरो सानै होला, पराइ पाइला टेक्न दिन्न !!
४
एक दिन भोकै बसूँ आफै , कसैसंग माग्ने छैन !
एक छिन प्यासै रहूँ आफै , पराइ दैलो धाउने छैन !!
५
दाउराको भारी बोकूँ, राष्ट्र झण्डा झुक्न दिन्न !
थाप्लोमा नाम्लो नै होस, स्वाभिमान नुग्न दिन्न !!
६
म राष्ट्रको पहरे हूँ, सिमा कतै मिच्न दिन्न !
तयार छु शहीद हुन, राष्ट्र शान डग्न दिन्न !!
७
--------- (समाप्त )-----------
श्रष्टा : डा दीपक यात्री
प्रमुख सूचना प्राबिधिक
नेपाल क्यान्सर हस्पिटल एण्ड रिसर्च सेन्टर
हरिसिद्दि, ललितपुर
आदरणीय आयोजक ज्यु
नमस्कार !
राष्ट्रिय युवा परिषदले आयोजना गरेको "खुल्ला गजल प्रतियोगिता" मा मैले ७ सेरको " म र मेरो राष्ट्र (गजल)" यसै साथ संलग्न गरी पठाएको छु। साथमा पासपोर्ट साइजको फोटो पनि संलग्न गरेको छु।
प्राप्ति खबर पाए आभारी हुनेथिए।
No comments:
Post a Comment