तीजको लहर हैन बरी , तीजैको रहर नाचौ बरीलै !
------------------------ ---------------------------
भदौरे झरी त्यो चिप्लो बाटो , लड्दै नि आइयो नि !
डाडा र काडा चार भन्ज्यांगदेखि, हिडदै आइयो नि !!
खोला र नाला जंघार तर्दै, रुझदै आइयो नि !
माइतीको आँगन बाबाको घर, सम्झेर आइयो नि !!
तीजको लहर हैन बरी , तीजैको रहर ---------- !
------------------------१ -----------------------
दिनो न स्वामी रातोमा चुरा, फूलबुट्टे सारी नै !
दिनो न स्वामी कानैमा झुम्का, ओठमा लाली नै !!
त्यो बालपन खेलेको चौर, खेल्नलाई आइयो नि !
त्यो बालसखा खेलेका साथी, सम्झेर आइयो नि !!
तीजको लहर हैन बरी , तीजैको रहर ---------- !
-----------------२ ---------------------------------
ठोकौंन मादल दिदी र बहिनी, फुटोस खरी नै !
नाचौन नाच साथी र संगी, घन्कियोस माईती नै !!
शिवको लिङ्ग गरेर पूजा, स्वामीको आयुलाई !
बसेर ब्रत गाएर गीत, मनाऔ तीजलाई !!
तीजको लहर हैन बरी , तीजैको रहर ---------- !
------------३ ------------------------------------
जाम्लानी माइत खाम्लानी दर, माइतीको पिढीमा !
बीस बर्षे जुग बितेको घर, छाती र मुटुमा !!
भदौरे भेल बर्षाको झरी, माईतीको बाटोमा !
खोला र नाला जंघार तर्दै, त्यो रातो माटोमा !!
तीजको लहर हैन बरी , तीजैको रहर ---------- !
तीजको लहर हैन बरी , तीजैको रहर ---------- !
तीजको लहर हैन बरी , तीजैको रहर ---------- !
-------------४ ------------------------------------
(समाप्त )
श्रष्टा: डा दीपक यात्री
No comments:
Post a Comment