बुवाप्रति श्रद्दान्जली : (छन्द: झ्याउरे )
कालिका गाऊ सापकोटाबारी, कासकी जिल्लामा !
जन्मेथे एक समाजसेवी, पहाडी भूमीमा !!
असाध्यै थिएँ मिहिनेती उनी, खेती र कृषिमा !
कोदाली खन्थे बन्चरो हान्थे, बालकै कालमा !!
------------१ --------------------------------
खेत र बारी पाखो र टारी, गरेर चलन !
पुर्खाको माटो जोत्दै र खन्दै, जहान पालन !!
भाई र बहिनी पढाइ गर्थे, स्कूल गएर !
स्कूले शुल्क जुटाउने गर्थे, बाऊसे गएर !!
----------२------------------------------
कहिले स्कूल कहिले खेती, दुईटै धानेर !
प्रा बि को शिक्षा हासिल गरे, घरमै बसेर !!
गोर्जेमा थियो माध्यमिक स्कूल दुई कोश पर्तिर !
तैपनि भर्ना भएका थिए , मिलाई अवसर !!
------३ ----------------------------------
ठूलाकोट डाडो चारकोश पर, पोखरा शहरट !
तैपनि गर्थे लेखा र पढी, ओहोरो दोहोर !
कालोमा कलम घुमाउदै लेख्थे, नेपाली कागज !
लाल र पुर्जा कपाली तमसुक, पोखरा मालपोत !!
-------------------४ ------------------------------
समाजसेवा गर्नको निम्ति वडामा निर्बाचित !
घर र टोल धारो र पानी, लगाव रातदिन !!
बाटो र खन्न स्कूल बन्न, दिएथे दिलोज्यान !
कालिका मन्दिर, सार्कीको मैदान उनैको योगदान !
-------------५ ---------------------------------
बाह्रमा मात्रै रोपनी थियो , पैतृक सम्पती !
खरको छानो, माटोको घर, पिताको दौलती !!
एक हल गोरु पालेर गर्थे , रोपाई मारामार !
रोपेर मानो धानको खेती, बीस र मुरी धान !!
----------------६ --------------------------
बाबाको बुद्दि बर्कत तीक्ष्ण, चलाख बुद्दिले !
साठीको बढी रोपनी जग्गा, जोडियो खुबीले !!
चारतले घर तालचोकतिर ठडियो पक्किघर !
घडेरी मात्रै जोडिन पुगे, पाचवटा एकैवार !!
---------७ ----------------------------------
दुइटा छोरा, तिनोटी छोरी नाति र नातीना !
पढाई लेखाई सकेर सबै गर्दैछन गुजारा !!
तिमरो बाबा आत्मामा शान्ति , बैकुण्ठ बासन !
सायुज्य मिलोस पार्थिव आत्मा, स्वर्गको आसन !
------------८-----------------------------------------
(समाप्त )
No comments:
Post a Comment