कक्षागत गीत -३

 

के म नेपाली हैन र ?

 के म नेपाली हैन र ?

हामी नेपालीसंग,

बिश्व शान्तिको क्षेत्र नेपाल भूमि छ

यसभन्दा पनि बुद्दको दिब्यभूमि छ

पूर्बजका खुडा खुकुरी मात्रै हैन

जनक र बुद्दको बोधिसत्व पनि छ

अमरसिंह र बलभद्रको बीरता मात्रै हैन

अरनिकोको सीप र कला पनि छ।

मेरो दक्ष मेरो शक्ति यसको लागि योग्य छ

किनकि -

के म नेपाली हैन र ?

------------------१ ---------------------------

हामी नेपालीलाई थाहा छ -

बारुदको धुवाले मात्रै युद्द हुदैन

सेतो परेवाले पनि शान्तिपूर्ण युद्द गर्न सक्छ

हिरण्यकश्यपु र दुर्योधनको मात्रै युद्द हुदैन

प्रल्हाद र युधिष्ठिरले पनि सत्यताको युद्द गर्न सक्छन।

स्वयम्भुका शान्ति दृष्टीले

एउटा न्याय, समानता र अवसरको खोजी गर्न सक्छु

किनकि -

के म नेपाली हैन र ?

--------------२ ---------------------------------

जाग भो अब जाग,

महाभारतको अभिमन्यू बनेर

अशिक्षा र अन्धबिश्वासको चक्रब्युह फोड्नुपर्छ

रामायणको लबकुश बनेर

भ्रष्टाचार र दुराचारको जरैबाट उन्मूलन गर्नुपर्छ।

बुद्द र जनक बनेर

ज्ञानको साक्षात्कार ज्योती सर्बत्र फैलाउनुपर्छ।

सीता र भृकुटी बनेर

देशको सुबास संसारभरी फैलाउनुपर्छ।

किनकि -

के म नेपाली हैन र ?

---------------------३ ---------------------

उठ, भो अब उठ ,

जोश र जागरको बीज छर्नुपर्छ

भाका लैबरीको गाइनुपर्छ

बोलि चाचारीको हुनुपर्छ

स्वयम्भूको शान्तिप्रीत आँखाले

पशुपतिको पवित्र स्वच्छ हृदयले

आऊ ,

एउटा युद्दको शुभारम्भ गरौ।

किनकि -

के म नेपाली हैन र ?

----------------४ ------------------

नेपाल क्यान्सर गीत

 https://youtu.be/__h7WXQwoWQ

नेपाल क्यान्सर   (गीत):

स्वास्थ्य मेरो धन हो , स्वास्थ्य मेरो प्राण !

स्वास्थ्य मेरो जीबन हो , इश्वरको दान !!

स्वस्थ खान्छु , स्वस्थ बस्छु स्वस्थै मेरो जीबन !

क्यान्सर शंका लाग्यो भने नेपाल क्यान्सर !!

-----------१ -----------------------------

गुट्खा खैनी खान्न म त सुर्ती पनि खादिन !

चुरोट बिडी तमाखु त कहिल्यै  हेर्दिन !!

जाँड रक्सी मादक हो , बस्छु म त पृथक !

क्यान्सर निदान गर्न परे , नेपाल क्यान्सर !!

--------------२ ---------------------------

पहिलो चरण निदान गर्छु , पहिलो चरण उपचार !

क्यान्सर निको हुनेगर्छ, छैन मलाई डर !!

किमो अनि  रेडिएसन सर्जरीको इलाज !

सर्ब सुलभ लोकप्रिय छ , नेपाल क्यान्सर !!

--------------३ -----------------------------

नेपालीको क्यान्सर उपचार हुन्छ नेपालमै !

उत्कृष्टता हेरचाह हाम्रो मूल मन्त्र नै !!

संदेश सारा फैलाऊ, जन चेतना सारा !

सर्बसुलभ मितव्ययी छ नेपाल क्यान्सर !!

-----------४ ----------------------------

    (समाप्त )