" बाबाप्रति श्रदान्जली"
एउटै मानब जो थियो हृदयको सर्वस्व मेरो थियो !
एउटै पुस्तक जो थियो हृदयमा बाबा लेखेको थियो !!
एउटै साथ बसेर हासिरहने बाबा कहानी बन्यौ !
एउटै शान्त र सुख गृहको, बाबा बिरानो बन्यौ !!
-----------१ ----------------------------------------
आफै इश्वरले रचेर धरती, बाबा संगै भासियो !
आफै इश्वरले सृजित गृहस्थी, बाबा संगै च्यातियो !!
कल्पेर अहिले अतीत यादमा, सम्झेर पो के भयो !
बाबा शब्द सम्झदै गुणकथा लेखेर पो के भयो !!
--------------२ --------------------------------------
यी दुई छोरा छन यतातिरअनि, छोरीहरु तीन जना !
प्रीय यती रहेछ भेट टुहुरा, सम्झेर बस्छौ यहाँ !!
बिर्सी बिर्सी सकिन्न किन्तु कहिल्यै, बाबा आफै झर्नु भो !
बढी पातको पालुवा फेरेर, बाबा आफै खस्नु भो !!
--------------३ ---------------------------------------
मैले सोधेथे अन्त्यकाल उहाँको , धोको रहेको थियो !
मैले सोधेथे अन्त्यकाल उहाँको , रहर पो के थियो !!
मैले हरदम खालि शैया बिचमा, छोरा भनेको सुने !
बोल्दै बकबक मात्र बोली संगमा, नानी भनेको सुने !!
------------------ ४ ----------------------------------
आशु झर्थ्यो खालि परेली बिचमा, बोल्ने धोको अड्कियो !
बाक्य प्रष्ट भएन कहिल्यै ओठमा, तोते बोली मात्रै थ्यो !!
बिर्सी बिर्सी सकिन्न कहिल्यै नभमा, बाबा बिरानो भयौ !
लेखी लेखी सकिन्न कहिल्यै लेखमा, बाबा अमर रह्यौ !!
-------------------५ ----------------------------------
(समाप्त )
No comments:
Post a Comment