मेरो पौरख, मेरो राष्ट्र :
प्रजा मोटा भया हुन्छ, नेपाल राष्ट्र बल्लभ !
अनेक मित्र एकता, छत्तिस जात चारै बर्ण !!
योद्दा पृथ्वीको सपना, नेपाल राष्ट्र बैभव !
बलभद्र, सीता, बुद्द बिभूती राष्ट्रका धन !!
--------------------१ --------------------------
मेरो राष्ट्र अखण्ड छ, झरीमा झन दीप्त छ !
मेरो राष्ट्र सार्बभौम छ , सन्ध्यामा नै प्रदीप्त छ !!
मेरो पहाड थामू मैले, मेरै छाति फुकाउदै !
मेरो हिमाल हासू मैले, हिऊ दन्त देखाउदै !!
--------------२ ------------------------------
पूर्ब टिष्टा पुगी हिमाल, पश्चिम किल्ला कांगडा !
उत्तरमा हिमगिरी उच्च, दक्षिण बाँके बर्दिया !!
पुर्खाको बीरता सिन्धु, भुलेर कहाँ भुलिन्छ र !
पृथ्वी बहादुर शाह, इतिहास कहाँ मेटिन्छ र !!
------------------३--------------------------
राष्ट्र झण्डा बेरिदिनु, म मरे लासको माथमा !
म जल्नेछु खरानी भई, अखण्ड आर्यघाटमा !!
मेरो लास त्रिशुली बग्ला,आखाँमै बग्ला गण्डकी !
कात्रो होस नेपाली झण्डा, फहर्दै पार्थ जिन्दगी !!
------------४----------------------------------
म उठ्छु राष्ट्रको धुन, बजेदेखि सबेरमै !
म हास्छु देशकै खित्का,हास्छ जस्तो हिमाल झैँ !!
म एउटा बोधीवृक्ष हू, अड्नुपर्छ है सिकाउछु !
म आफू पौरखमा बाच्छु , प्यारो राष्ट्र बचाउछु !!
------------५ -----------------------------
(समाप्त )
ई दीपक यात्री
लेखनाथ -२७ , कास्की नेपाल
हाल : नेपाल क्यान्सर हस्पिटल एण्ड रिसर्च सेन्टर
हरिसिद्दि, ललितपुर, नेपाल
No comments:
Post a Comment