"पीरतिमा मकै "
गाऊघर बारीपाखा, मकैबोटले हरा होलान !
फाडिएर खोरिया ती मकैहरु उम्रे होलान !
हावाहुरी आधीबेरी,मकैलाई कुट्यो कि त !
असिनाको गुनेलीले मकैलाई चुट्यो कि त !!
-----------------१ ------------------------------------
आकासको पानी भरमा, मकैखेती गर्ने गाउले !
हर हर महादेव, पानी बर्साउ भन्दै होलान !!
मकै रोप्दा हलीसंगै,सियो सियो हिड्नेहरु !
अग्लिएका मकैभित्र हासीहासी,गोड्दै होलान !!
--------------------२ -----------------------------
मकै गोड्ने हातहरु,बन्दुक समाई गए कि त ?
मकै पिध्न घट्ट जाने ,सखा लाहुर गए कि त ??
मकै चोर्ने बादरलाइ,भीरसम्म खेद्ने साथी !
मकैजस्तै भुटिनलाइ खाडीतिर गए कि त !!
------३ ---------------------------------------
बिरौटा र बीर्तासम्म ,अर्मपर्म गर्ने संगीसाथी !
असारेको दुधे मकै साथ्, खान आउछु साथी !!
बारीभरी फलोस मकै,पेट पनि नहोस भोकै !
घुन पुत्ला नलागोस ,नछोवोस ब्याध रोगै !!
-------------४ ----------------------
हातमुख जोर्नपरे बरु ,मकै भित्र घैया रोपौ !
बाझो बारी जर्रो टारी ,जतासुकै मकै रोपौ !!
लू खपेको मकै जस्तै ,दुख खेप्ने मर्द छोरो !
मकै हाम्रो प्राणबाली,राष्ट्रखेती नेपालको !!
---------५ -----------------------------------------
(समाप्त )
No comments:
Post a Comment