" बिरानो तिहार "
न गलामा फूलको माला, यसपालीको चाड !
न निधारमा टिका थाप्नु निधार छ उजाड !!
झल्को आउछ तेल लाएर, कपाल मुसारेको !
दिदी बहिनी सबै मिली टिका सजाएको !!
न गलामा फूलको माला, यसपालीको चाड !
न निधारमा टिका थाप्नु निधार छ उजाड !!
-------१ ------------------------------------
यसपालीको सयपत्री बारीमा नै झर्यो !
झिलीमिली दीप पनि नबल्ने नै भयो !!
गाई, गोरु, कुकुर , काग पनि पुजिएन !
यमराजको बाटो छेक्ने ओखर फोडीएन !!
न गलामा फूलको माला, यसपालीको चाड !
न निधारमा टिका थाप्नु निधार छ उजाड !!
---२ ----------------------------------
कोजाग्रत रातभरी रमाई तास खेल्थ्यौ !
दिदी बहिनी भान्जीबाट सेलरोटी बन्थ्यो !!
अपूर्ण भो यसपाली तिहार सार्है खल्लो !
लक्ष्मी पूजा, लक्ष्मी दिवस पनि बिरानो भो !!
न गलामा फूलको माला, यसपालीको चाड !
न निधारमा टिका थाप्नु निधार छ उजाड !!
--------------३ ----------------------------
(समाप्त)
डा दीपक यात्री
लेखनाथ -२७ , कास्की
हाल : प्रमुख सूचना प्राबिधिक ,
नेपाल क्यान्सर हस्पिटल एण्ड रिसर्च सेन्टर , ललितपुर
सम्पर्क फोन नं : ९८१३४५६३७४
