मेरो प्राण नआउदा घर
-----------------------------
मेरो प्राण नआउदा घर !
धिक्कारै छ दशैं र तिहार !!
बालापनको संगी र साथी !
कहिले लाहुरे सोध्दछन दिन राति !!
घरको आफ्नै आटो र पिठो !
रोटी ढिडो गरको झन् मिठो !!
मेरो प्राण नआउदा घर !
धिक्कारै छ दशैं र तिहार !!
------------------१ -------------------------
सोधीराछन इष्ट र मित्र !
कहिले लाहुरे दिनलाई आशिष !!
वैली गयो टिका र जमरा !
बुढी आमा बगाउछिन दश धारा !!
मेरो प्राण नआउदा घर !
धिक्कारै छ दशैं र तिहार !!
--------२ ------------------------
बाल बच्चा नाना र चाचा ले !
पिङ्ग खेल्दै बाबाको आशाले !!
खेल्ने बेला देउसी र भैलो !
अध्यारै छ पिढी र दैलो !!
मेरो प्राण नआउदा घर !
धिक्कारै छ दशैं र तिहार !!
-----३ -------------------------
सयपत्री फूल पनि वैलियो !
मालश्री धून पनि बन्द भो !!
झिलीमिली रमझम नि छैन !
देउसी गीत छमछम नि छैन !!
मेरो प्राण नआउदा घर !
धिक्कारै छ दशैं र तिहार !!
--------------------४ ------------
डा दीपक यात्री
लेखनाथ -२७ , कास्की
हाल : प्रमुख सूचना प्राबिधिक ,
नेपाल क्यान्सर हस्पिटल एण्ड रिसर्च सेन्टर , ललितपुर
सम्पर्क फोन नं : ९८१३४५६३७४
रचना मिति : २०८१ कार्तिक १७ गते शनिबार (भाईटिका दिन )
No comments:
Post a Comment