हिमाल हास्छ शिरमा, पाउमा लालीगुराँस !

 हिमाल हास्छ शिरमा, पाउमा लालीगुराँस !

आफ्नै पाखा पखेरो , आफ्नै माटो रमाइलो 

कुहिरोसंग बिहानी आफ्नै घाम घमाइलो 

नदीले बगाउछ कथा, डाडोले राख्छ भरोसा 

हिमाल हास्छ शिरमा, पाउमा लालीगुराँस !

------------------१ ------------------------------------

डाडाकाडा देऊराली चौतारीको शीतल 

जति खोजून खोज्नेले यही यो स्वर्गे महल 

आफ्नै पाखा पखेरो, बन चौर सुबास 

हिमाल हास्छ शिरमा, पाउमा लालीगुराँस !

-------------------२ ------------------------------------

आफ्नै पाखा पखेरो, आफ्नै माटो रसिलो 

पसिना पोखी उब्जेको , आफ्नै फल पोषिलो 

स्याऊ र केरा सुन्तला, कोदो अनि फापर 

हिमाल हास्छ शिरमा, पाउमा लालीगुराँस !

--------------------------३ ---------------------------------

डाँफे र मुनाल हासता, यो मन हास्छ खुलेर 

कस्तुरी मृग नाचदा, यो दिल नाच्छ फरर 

धानको बाला झुल्दछ, तोरीको फूल फसल 

हिमाल हास्छ शिरमा, पाउमा लालीगुराँस !

-----------४ -----------------------------------------

       (समाप्त )

बालुवाको मरुभूमीमा मैले प्रेम गरे

 बालुवाको मरुभूमीमा मैले प्रेम गरे 

बालुवामा फूल फुल्ने मैले आशा गरे 

तिम्रो नाम लेखे मैले हावाको लहरमा 

उडाईलग्यो सारा सपना पवन तरंगमा 

बालुवाको मरुभूमीमा -----------

बालुवामा फूल फुल्ने ----------------

-------------------१ -------------------------

नहुने त थाहै थियो तर पनि चाहे 

नफुल्ने फूललाई मैले सजाइरहे 

बाहिर पोल्ने चर्को घाम छ , भन्छु शीतल जून 

बाहिर खित्का छोडी हास्छु, भित्र पर्छ रुन 

बालुवाको मरुभूमीमा -----------

बालुवामा फूल फुल्ने ----------------

------------२ ------------------------------

भीडभाडमा पनि म त सधै एक्लो हुन्छु 

मनका सारा पिर ब्यथा आसुँले नै धुन्छु 

शब्दहरु मौन बसे , आसुँ भयो गीत 

पोखूँ कहाँ मनको भारी रुन्छु आफैसित 

बालुवाको मरुभूमीमा -----------

बालुवामा फूल फुल्ने ----------------

-------------------३ -----------------------------

मूर्तीलाई फूल भयो जिन्दगानी मेरो 

कागजको खरानी भो जिन्दगानी मेरो 

पत्थरजस्तो तिम्रो दिल मैले फूल सम्झे 

ढुंगाजस्तो तिम्रो माया मैले नौनी सम्झे 

बालुवाको मरुभूमीमा -----------

बालुवामा फूल फुल्ने ----------------

बालुवाको मरुभूमीमा -----------

बालुवामा फूल फुल्ने ----------------

-----------------४ --------------------------

                             (समाप्त )

विश्वकर्मा पूजाविधि

 विश्वकर्मा पूजाविधि | Worship Vishwakarma in this way || ब्राह्मण नभए पनि गर्न सकिन्छ || असोज १ गते

यस पालिको दशैं म आउन पाइन

  यस पालिको दशैं  म आउन पाइन   (छन्द :झ्याउरे )

मखमली फुल्दा, मर्सी धान झुल्दा म आउन पाइन !

सानोमा खेल्ने बतासे पिङ्ग , म खेल्न पाइन !!

आशिष दिने ती धिताल बाबा म भेट्न पाइन !

अक्षता भर्ने सुब्बिनी आमा यसपाली आइन !!

----------------१ ----------------------------------

गाउघरतिर दशैं नि आयो परदेशमा बिरानो !

लठठे र रोटे पिङ्ग मच्चे होलान बिदेशमा अकेलो !!

गाऊघरदेखि धेरै नै टाढा बिरानो मुलुक !

लेख्दैछु सारा पोखेर आफ्नो बेदना बिरह !!

---------------------२ -------------------------

ती जुम्ली बाबा बुढाको चौर बसेर कुर्दा हुन !

पिङ्गको लट्ठो बटार्दै सारा हामीलाई सम्झे हुन !!

टीकाराम बाबा लगाउदै उर्दी बाटोलाइ खन्नलाई !

पौडेल बाबा गुहार्दै होलान गाऊघरे ठिटालाई !!

------------------३ --------------------------

सापकोटा बारी कालिका माथि चौडाले पिङ्ग होला !

झाझरमारे कालिका माइको पूजामा भीड होला !!

चण्डीको पाठ पढेर पण्डित महाकाली भन्दा हुन !

सप्तमसती दुर्गाको पूजा गरेर बस्दा हुन !!

-----------------४ ---------------------------------

मखमली फुल्दा, मर्सी धान झुल्दा म आउन पाइन !

चार बीस उमेर ढल्केका बाबा म टीका भ्याइन !!

फुटेकै कर्म रहेछ आमा परदेशी छोराको !

यही गीत लेख्दै पुछेर आँशु बुझाए मन मेरो !!

--------------------------५ --------------------------

     (समाप्त)

डा. दीपक यात्री 

लेखनाथ -२७ , कास्की 

हाल : प्रमुख सूचना प्राबिधिक , 

नेपाल क्यान्सर हस्पिटल एण्ड रिसर्च सेन्टर , ललितपुर 

सम्पर्क फोन नं : ९८१३४५६३७४ 

भावपूर्ण श्रद्धाञ्जली .

 भावपूर्ण श्रद्धाञ्जली .....

 यस नेपाल क्यान्सर हस्पिटल एण्ड रिसर्च सेन्टर हरिसिद्धि,ललितपुरका कार्यकारी अध्यक्ष, नेपाल क्यान्सर सपोर्ट ग्रुपका संरक्षक बरिष्ठ क्यान्सर रोग विशेषज्ञ डा.सुदिप श्रेष्ठका पिता श्री राम बहादुर श्रेष्ठको ९० वर्षको उमेरमा हिजो २०८२ साल भदौ ५  गते  विहीबार अपरान्ह दुखद निधन भएको छ । यस असमायिक निधन  भएको खबरले हामीलाई अति दुखित बनाएको छ। यस दुखद घडीमा दिबंगत आत्माको चीर शान्तिको कामना गर्दै भावपूर्ण श्रदान्जली अर्पण गर्दछौ। साथै यस दुखद घडिमा शोकसन्तप्त परिवार प्रति हार्दिक समबेदना प्रकट गर्दै इश्वरले धैर्यधारण गर्ने शक्ति प्रदान गरुन भनी इश्वरसंग कामना  गर्दछौ। 

      नेपाल क्यान्सर सपोर्ट ग्रुप 

म फूल जस्तो हुन सकूँ

 गीत    "म फूल जस्तो हुन सकूँ"

म फूल जस्तो हुन सकूँ,

तिमी भवरा बनी आऊ है !

म फूल टिप्ने कोही भए ,

तिमी काँडा भई जोगाऊ है !!

--------------------१ --------------------

म फूल जस्तो हुन सकूँ,

तिमी भवरा बनी आऊ है !

---------------------------------------

म बासुरी झैँ बन्न  सकूँ,

तिमी धून बनी बज्नू है !

म सारंगी झैँ बन्न सकूँ ,

तिमी तार बनी रेट्नु है !!

--------------२ -----------------------

म फूल जस्तो हुन सकूँ,

तिमी भवरा बनी आऊ है !

------------------------------------------

म जून जस्तो चम्कन सकूँ ,

तिमी शीतल भई आऊ है !

म घाम जस्तो उज्यालो बनूँ ,

तिमी पारिलॊ भई छाऊ है !!

---------------३--------------------------

म फूल जस्तो हुन सकूँ,

तिमी भवरा बनी आऊ है !

-------------------------------

म गीत जस्तो सरस बनूँ,,

तिमी लय बनी गाऊ है  !

म संगीत जस्तो माधुर्य बनूँ 

तिमी राग बनी आऊ है !!

------------------४ -------------------

म फूल जस्तो हुन सकूँ,

तिमी भवरा बनी आऊ है !

------------समाप्त ------------------

 डा. दीपक यात्री 

लेखनाथ -२७ , कास्की 

हाल : प्रमुख सूचना प्राबिधिक , 

नेपाल क्यान्सर हस्पिटल एण्ड रिसर्च सेन्टर , ललितपुर 

सम्पर्क फोन नं : ९८१३४५६३७४ 

रचना मिति : २०८२ साल श्रावण २७ गते 

तिमीलाई देखेर आँखा

 तिमीलाई देखेर आँखा

त्यहीं छोडी हिंडे म

बाटो सुनसान भैसकेको थियो

जून बिलाएर गैसकेको थियो

बिस्तारै हिंडेको कोही साथमा

तिमीलाई देखेर पाइला

त्यहीं छोडी हिंडे म

बोलाऊँ बोलाउन हुँदैनथ्यो

भुलूँ भने यो मनले दिंदैनथ्यो

भूइँचालो चलाई एक रातमा

तिमीलाई देखेर मुटु

त्यहीं छोडी हिंडे म

**********************

शब्द – कृष्णप्रसाद पराजुली

स्वर – उदित नारायण झा

संगीत – नातीकाजी