नेपाल हाम्रो कति छ राम्रो :
तराई हाम्रो अति नै राम्रो धानको बालाले !
पहाड हाम्रो उत्तिकै राम्रो गुरास फुल्नाले !!
मधेश हाम्रो तोरीको बारी पहेलै फुलेको !
पहाड हाम्रो कोदाको बाला फलेर झुलेको !!
--------------------१ ----------------
सगरबाट संझ्याल हेरौ मृगले दौडेको !
क्षितिज मेरो बारी र पारी हरियो बनैको !!
नजर मेरो पर्दछ सधै हिमाली हासोमा !
हिऊको ज्योति खेल्दछ मेरो आखाको नानीमा !!
----------------------२ ---------------------------
कस्तुरी मृग उफ्रेको देख्छु हरियो बनैमा !
याक र चौरी चरेको देख्छु हिमाली चौरमा !!
डाफे र मुनाल नाचेको देख्दा यो मन रमाउछ !
त्यही डाफेसंग नाचूकि जस्तो यो दिल जगाउछ !!
---------------------३ -------------------------
देउराली भन्ज्यांग उक्लेर आफै गाउसम्म पुगु कि !
पाटन खर्क दौडेर आफै खोरिया फाडू कि !!
लेक र बेशी ओहोरो दोहोरो पहाडी बाटोमा !
पसिना भिज्छ पौरखी मेरो नेपाली माटोमा !!
--------------------४ ---------------
खोला र नाला बगेको देख्छु फुटेर मूलले !
नहर कुलो लगाई छाड्छु पानीको भेलले !!
हरियो बन देखेर होला हिमाल हासेको !
नेपाल आमा स्वर्गको देश म आफू बाचेको !!
---------------------५ -------------------------
.(समाप्त )
डा दीपक यात्री
प्रमुख सूचना प्राबिधिक
नेपाल क्यान्सर हस्पिटल एण्ड रिसर्च सेन्टर
हरिसिद्दि, ललितपुर
लेखन मिति :भदौ २४ गते २०७९
स्थायी ठेगाना :लेखनाथ -२७ ,अर्चले कास्की
No comments:
Post a Comment