" बनाऔ नेपाल कर्मभूमी "
जहाँबाट
हिमाल उठेको छ
हामी
त्यहीबाट उठ्न सकौ
जहाँबाट
हिउँ पग्लेको छ
हामी
त्यहीबाट बग्न सकौ
किनकि,
भूकम्पपछिको
धरहरालाई
पुन:
उभ्याउनुछ
सगरमाथाको
चुचुरोलाई
सधै चुल्याउनुछ ।
---------- १ --------------
सपनाको
तालमा अब
हात
र हत्तासोले सुकुल बन्नुछ
लैबरी
र मरुनीका भाकाहरुसंगै
गाउँबस्ती
शहर जगाउनुछ
किनकि,
बिहानीको
सूर्य उदाए झैँ
बिकासका
पुञ्जहरु फिजाउनुछ
कर्णालीको
नदी बगाए झैँ
शिक्षाको
ज्योति बगाउनुछ ।
---------- २
--------------
ढिकी,जातो र तान
मुर्चुङ्गा
र सारंगीका लयसंगै जगाउनुछ
हलो,
गैची र कोदाली
"सारेगमपधनिसा"
का धुनहरुसंगै चलाउनुछ
किनकि,
गाँस
बास र कपासको प्रत्याभूति
हर
नेपालीले पाउनुछ
रोजी
र रोटीको निम्ति
आफ्नै
नंग्रा खियाउनुछ ।
---------- ३
--------------
म
माटोको किरिया खाएर भन्छु
देशभित्र
मात्र म छैन
मभित्र
देश पनि छ
छातिभित्र
मात्र मुटु छैन
मुटुभित्र
बुद्ध पनि छ
अन्त्यमा,
म
यो देश रोपिरहू रोपाहाराहरुसंग
म
यो देश जोतिरहू हली बाउसेहरुसंग
म
यो देश गोडीरहू खेतालाहरुसंग ।
----------४
--------------
(समाप्त)
---श्रष्टा
: दीपक यात्री
प्रमुख
सूचना प्राबिधिक
नेपाल
क्यान्सर हस्पिटल, ललितपुर
स्थायी
ठेगाना : पोखरा लेखनाथ-२७, कास्की नेपाल
सम्पर्क
मोबाइल : ९८१३४५६३७४
फोन :०६१-५६०४७६
No comments:
Post a Comment